2 лістапада, Мінск /Кар. БЕЛТА/. Спецпрыз Прэзідэнта Беларусі "За захаванне і развіццё традыцый духоўнасці ў кінамастацтве" ўручаны акцёру, рэжысёру, прадзюсару Рустаму Сагдулаеву, узнагароду ўручыў намеснік прэм'ер-міністра Беларусі Ігар Петрышэнка, перадае карэспандэнт БЕЛТА з цырымоніі адкрыцця XXV Мінскага міжнароднага кінафестывалю "Лістапад".
"Я не чакаў такой высокай узнагароды. Гэта вельмі хвалюючы для мяне момант. Акцёры таксама губляюцца ў такія мінуты. Дзякую беларускай зямлі і ўсім кінематаграфістам Беларусі за такую высокую ацэнку", - сказаў Рустам Сагдулаеў.
Узбекскі акцёр і рэжысёр у гэтым годзе ганаровы госць фестывалю. "Я трэці раз прыязджаю на "Лістапад" і заўсёды з хваляваннем чакаю, запросяць ці не. З кожным годам усё больш краін і карцін удзельнічаюць у фестывалі. Гэта сведчыць аб яго міжнародным статусе. Беларусы захоўваюць сваю духоўнасць, дабрыню, таму ўсе імкнуцца сюды прыехаць. Мне хочацца пожадаць замежным удзельнікам, каб яны прывозілі добрыя карціны, тады яны будуць спалучацца з ментальнасцью беларусаў", - адзначыў ён у гутарцы з карэспандэнтам БЕЛТА.-0-