Фота з архіва
27 жніўня, Мінск /Кар. БЕЛТА/. Новы, 106-ты сезон у Нацыянальным акадэмічным тэатры імя Янкі Купалы адкрыецца 27 жніўня традыцыйным паказам спектакля "Паўлінка". Аб гэтым журналістам расказала галоўны адміністратар Купалаўскага тэатра Аксана Нікіціна, перадае карэспандэнт БЕЛТА.
"Сёння адкрыццё сезона. Традыцыйна мы адкрываем яго "Паўлінкай". Мы захоўваем гэту традыцыю і ставімся да яе вельмі паважліва. Сёлета мы сустракаем 105-годдзе з дня заснавання і пачатку дзейнасці тэатра. Дзень нараджэння ў нас 15 верасня", - сказала Аксана Нікіціна.
Паводле яе слоў, на працягу верасня тэатр рэалізуе сумесны праект з Нацыянальным архівам Беларусі, які прадстаўляе ўнікальныя архіўныя даныя, звязаныя з гісторыяй развіцця Купалаўскага тэатра. Перад або пасля спектакля, у час антракту кожны можа прыйсці ў камінную залу і глыбей азнаёміцца з гісторыяй.
У бліжэйшых планах і паказ спектакля "А досвіткі тут ціхія" ў пастаноўцы рэжысёра Дзмітрыя Акімава на чацвёртым Качалаўскім фестывалі ў Казані.
Аксана Нікіціна дадала, што ў гэтым годзе на сцэне Купалаўскага ўзнагародзяць пераможцаў VIII Рэспубліканскага конкурсу тэатральнага мастацтва "Нацыянальная тэатральная прэмія". Акрамя таго, чацвёрты раз пройдзе і Рэспубліканскі тэатральны фестываль "Перамога".-0-
"Сёння адкрыццё сезона. Традыцыйна мы адкрываем яго "Паўлінкай". Мы захоўваем гэту традыцыю і ставімся да яе вельмі паважліва. Сёлета мы сустракаем 105-годдзе з дня заснавання і пачатку дзейнасці тэатра. Дзень нараджэння ў нас 15 верасня", - сказала Аксана Нікіціна.
Паводле яе слоў, на працягу верасня тэатр рэалізуе сумесны праект з Нацыянальным архівам Беларусі, які прадстаўляе ўнікальныя архіўныя даныя, звязаныя з гісторыяй развіцця Купалаўскага тэатра. Перад або пасля спектакля, у час антракту кожны можа прыйсці ў камінную залу і глыбей азнаёміцца з гісторыяй.
У бліжэйшых планах і паказ спектакля "А досвіткі тут ціхія" ў пастаноўцы рэжысёра Дзмітрыя Акімава на чацвёртым Качалаўскім фестывалі ў Казані.
Аксана Нікіціна дадала, што ў гэтым годзе на сцэне Купалаўскага ўзнагародзяць пераможцаў VIII Рэспубліканскага конкурсу тэатральнага мастацтва "Нацыянальная тэатральная прэмія". Акрамя таго, чацвёрты раз пройдзе і Рэспубліканскі тэатральны фестываль "Перамога".-0-
Падпісвайцеся на нас у
