Мабільная версія
ДЗЯРЖОРГАНЫ

Апошнія навіны
Усе навіны

Спектакль фестывалю сучаснай харэаграфіі ўбачаць жыхары Мінска, Гомеля і Віцебска

Культура 17.10.2018 | 09:59
Фота Teatro Rossini
Фота Teatro Rossini

17 кастрычніка, Віцебск /Вольга Багачова - БЕЛТА/. Мерапрыемствы Міжнароднага фестывалю сучаснай харэаграфіі (IFMC) упершыню пройдуць не толькі на роднай сцэне ў Віцебску, але і ў канцэртных залах Мінска і Гомеля, паведамілі карэспандэнту БЕЛТА ў цэнтры культуры "Віцебск".

Спектакль "Уверцюры Расіні", які прадставіць Spellbound contemporary ballet (Італія), адбудзецца 20 лістапада ў Мінску на сцэне Вялікага тэатра Беларусі, 22 лістапада яго змогуць убачыць гамяльчане, а на віцебскай сцэне гэта пастаноўка будзе паказана 25 лістапада і стане завяршальным спектаклем праграмы фестывалю.

Віцебскіх гледачоў таксама чакаюць спектаклі з Беларусі, Расіі і Украіны. У ліку гасцей ужо знаёмыя і новыя для публікі творчыя калектывы: тэатр "Кіеў Мадэрн-Балет" (Украіна); тэатр "Балет Яўгена Панфілава", Маскоўскі Губернскі тэатр пад кіраўніцтвам Сяргея Бязрукава (Расія). Асноўнай падзеяй фестывалю стане міжнародны конкурс сучаснай харэаграфіі. У ліку іншых яркіх момантаў форуму - інтэрактыўныя лекцыі, тэарэтычныя майстар-класы, семінары, круглыя сталы, выставы жывапісу, скульптуры і фатаграфіі ад беларускіх і літоўскіх майстроў.

Арганізатарам фестывалю з'яўляецца цэнтр культуры "Віцебск". Заснавальнікі - Віцебскі аблвыканкам, Міністэрства культуры, Віцебскі гарвыканкам, Вялікі тэатр Беларусі.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Забарона на наведванне лясоў У Беларусі ўведзена забарона на наведванне лясоў у шасці раёнах Мінскай вобласці: Старадарожскім - з 19 красавіка, Валожынскім - з 20 красавіка, Мінскім, Смалявіцкім, Чэрвеньскім, Бярэзінскім - з 24 красавіка.