8 ліпеня, Віцебск /Кар. БЕЛТА/. Да юбілейнага XXXV Міжнароднага фестывалю мастацтваў "Славянскі базар у Віцебску" засталося 8 дзён. БЕЛТА прапануе акунуцца ў рэтраспектыву: штодзённа ў архіўных матэрыялах расказваем пра самыя яркія моманты кожнага фестывалю па гадах. Сёння - пра фестываль 2019 года.
XXVIII Міжнародны фестываль мастацтваў "Славянскі базар у Віцебску" прайшоў з 8 па 17 ліпеня. Цырымонія і гала-канцэрт адкрыцця форуму адбыліся ў Летнім амфітэатры 11 ліпеня, закрыцця - 15 ліпеня.
Да фестывалю змянілася галоўная сцэна - яна набыла геаметрычныя формы, якія былі ў трэндзе. Для стварэння эфектнага відовішча выкарыстоўваліся пад'ёмныя механізмы, вялікія рассоўныя палотны святлодыёдных экранаў.
"Месца, дзе ты з'явіўся на свет" - такой была канцэпцыя гала-канцэрта адкрыцця "Славянскага базару", прысвячэнне малой радзіме, сямейным і агульначалавечым каштоўнасцям, а таксама пераемнасці пакаленняў. Са сцэны Летняга амфітэатра Прэзідэнт адзначыў, што менавіта такім фестываль і задумваўся ў пачатку 1990-х гадоў, ён стаў адказам творчых людзей на распад вялікай шматнацыянальнай краіны. "Яны аб'ядналіся, каб захаваць братэрскія адносіны паміж новымі незалежнымі дзяржавамі. Гэта заканамерна: у няпростыя часы маральную апору людзі заўсёды знаходзілі ў мастацтве", - падкрэсліў Аляксандр Лукашэнка.
На гала-канцэрце ён уручыў спецыяльную ўзнагароду Прэзідэнта "Праз мастацтва - да міру і ўзаемаразумення" народнай артыстцы Украіны і Інгушэціі Таісіі Павалій. Артыстка падкрэсліла, што віцебскі фестываль стаў для яе дарогай на вялікую сцэну, і яна заўсёды вяртаецца з вялікай радасцю. У той жа дзень на Алеі зорак з'явіўся яе імянны "васілёк".
Галоўнымі падзеямі фестывалю сталі XXVIII Міжнародны конкурс выканаўцаў эстраднай песні "Віцебск-2019" і XVII Міжнародны дзіцячы музычны конкурс "Віцебск-2019". Для юнакоў і дзяўчат падрыхтавалі насычаную культурную праграму для знаёмства з Беларуссю. Удзельнікі конкурсу выканаўцаў эстраднай песні наведалі БЕЛАЗ, выступілі з канцэртам перад завадчанамі, пазнаёміліся з вытворчасцю звышцяжкіх машын і змаглі падняцца на палубу адной з іх. Удзельнікі дзіцячага музычнага конкурсу пабывалі на кандытарскай фабрыцы "Віцьба", з'ездзілі на экскурсію па Полацку. Гран-пры дзіцячага музычнага конкурсу ў 2019 годзе застаўся ў Беларусі, а сярод дарослых артыстаў яго заваяваў прадстаўнік Казахстана.
Дзень Саюзнай дзяржавы прайшоў у два блокі - афіцыйныя мерапрыемствы і культурныя праекты. У Мастацкім музеі прэзентавалі "Растоўскую фініфць", на прэзентацыі адбылося дэфіле мадэлей. У Віцебску была прадстаўлена і выстаўка аднаго дня - рэплікі Вялікай імператарскай кароны. У музеі-сядзібе "Здраўнёва" была арганізавана медыясесія "Саюзная дзяржава: як перадаць культурны код моладзі", прысвечаная ў тым ліку 175-годдзю з дня нараджэння Ільі Рэпіна. На ёй абмеркавалі пытанні захавання культурнай спадчыны мастака і агульнай культурнай прасторы Беларусі і Расіі. Асновай канцэрта "Саюзная дзяржава запрашае" стала святкаванне 50-годдзя творчай дзейнасці ансамбля "Песняры".
Дні моладзі на "Славянскім базары" ў 2019 годзе памянялі фармат. Мерапрыемствы праходзілі на некалькіх пляцоўках - каля Канцэртнай залы "Віцебск", на плошчы Перамогі і каля Летняга амфітэатра. Маладзёжны інтэлектуальны турнір пад адкрытым небам уключыў такія спаборніцтвы, як камандная "Свая гульня", "Што? Дзе? Калі?", "Квадрыга", фестываль кавер-бэндаў, маладзёжны забег на 2,5 км, фестываль маладзёжных субкультур
і здаровага ладу жыцця, фестываль аўтагуку, выстаўка рэтрааўтамабіляў і байкаў.
У новым фармаце адбыўся і фэст вулічнага мастацтва "На сямі вятрах". У ім удзельнічалі больш за 500 чалавек. Адной з асаблівасцей фэсту стала ўстанаўленне своеасаблівых рэкордаў. У 2019 годзе на Пушкінскім мосце сабралі тысячу пацалункаў.
Горад майстроў у Задзвінні сабраў пераважна народных умельцаў. Яркім дапаўненнем кірмашу рамеснікаў сталі святы-конкурсы па выцінанцы "Ажурныя мары", саломапляценні "Папараць-кветка", шыцці з абрэзкаў "Віцебская мазаіка", традыцыйнай свістульцы "Салавейка".
На "Славянскім базары" канцэрт чэмпіёнаў і фіналістаў Вышэйшай лігі Міжнароднага саюза КВЗ сабраў каманды "Саюз", "Трыёд і Дыёд", "Руская дарога", "Плюшкі імя Яраслава Мудрага" і беларускія калектывы з Мінска і Віцебска. У фінале камандам уручылі копіі прыза фестывалю - "Ліру".
Упершыню на фестывалі адбыўся міжнародны праект Dream Dance Fest. У розных намінацыях (шоу-праграма, народны танец, сучасны, эстрадны, класічны, street dance, беліданс) змагаліся больш за 130 танцавальных калектываў Беларусі, Расіі, Украіны, Арменіі, Узбекістана, Грэцыі і Кітая. Самаму малодшаму яго ўдзельніку было 3 гады, а самаму старэйшаму - ужо за 60.
У дзень закрыцця "Славянскага базару" ў Летнім амфітэатры прайшоў гала-канцэрт італьянскіх выканаўцаў "Viva, Italia!". Спявак Pupo паказаў, як трэба працаваць з публікай: ён прайшоў паміж радамі, абдымаўся з гледачамі і ператварыў сваё выступленне ў дыскатэку. На развітанне артыст выклікаў на сцэну пяцёра гледачоў, сярод якіх аказаўся і італьянец, і ўсе разам выканалі песню Gelato Al Cioccolato.
XXVIII Міжнародны фестываль мастацтваў "Славянскі базар у Віцебску" прайшоў з 8 па 17 ліпеня. Цырымонія і гала-канцэрт адкрыцця форуму адбыліся ў Летнім амфітэатры 11 ліпеня, закрыцця - 15 ліпеня.
Да фестывалю змянілася галоўная сцэна - яна набыла геаметрычныя формы, якія былі ў трэндзе. Для стварэння эфектнага відовішча выкарыстоўваліся пад'ёмныя механізмы, вялікія рассоўныя палотны святлодыёдных экранаў.
"Месца, дзе ты з'явіўся на свет" - такой была канцэпцыя гала-канцэрта адкрыцця "Славянскага базару", прысвячэнне малой радзіме, сямейным і агульначалавечым каштоўнасцям, а таксама пераемнасці пакаленняў. Са сцэны Летняга амфітэатра Прэзідэнт адзначыў, што менавіта такім фестываль і задумваўся ў пачатку 1990-х гадоў, ён стаў адказам творчых людзей на распад вялікай шматнацыянальнай краіны. "Яны аб'ядналіся, каб захаваць братэрскія адносіны паміж новымі незалежнымі дзяржавамі. Гэта заканамерна: у няпростыя часы маральную апору людзі заўсёды знаходзілі ў мастацтве", - падкрэсліў Аляксандр Лукашэнка.
На гала-канцэрце ён уручыў спецыяльную ўзнагароду Прэзідэнта "Праз мастацтва - да міру і ўзаемаразумення" народнай артыстцы Украіны і Інгушэціі Таісіі Павалій. Артыстка падкрэсліла, што віцебскі фестываль стаў для яе дарогай на вялікую сцэну, і яна заўсёды вяртаецца з вялікай радасцю. У той жа дзень на Алеі зорак з'явіўся яе імянны "васілёк".
Галоўнымі падзеямі фестывалю сталі XXVIII Міжнародны конкурс выканаўцаў эстраднай песні "Віцебск-2019" і XVII Міжнародны дзіцячы музычны конкурс "Віцебск-2019". Для юнакоў і дзяўчат падрыхтавалі насычаную культурную праграму для знаёмства з Беларуссю. Удзельнікі конкурсу выканаўцаў эстраднай песні наведалі БЕЛАЗ, выступілі з канцэртам перад завадчанамі, пазнаёміліся з вытворчасцю звышцяжкіх машын і змаглі падняцца на палубу адной з іх. Удзельнікі дзіцячага музычнага конкурсу пабывалі на кандытарскай фабрыцы "Віцьба", з'ездзілі на экскурсію па Полацку. Гран-пры дзіцячага музычнага конкурсу ў 2019 годзе застаўся ў Беларусі, а сярод дарослых артыстаў яго заваяваў прадстаўнік Казахстана.
Дзень Саюзнай дзяржавы прайшоў у два блокі - афіцыйныя мерапрыемствы і культурныя праекты. У Мастацкім музеі прэзентавалі "Растоўскую фініфць", на прэзентацыі адбылося дэфіле мадэлей. У Віцебску была прадстаўлена і выстаўка аднаго дня - рэплікі Вялікай імператарскай кароны. У музеі-сядзібе "Здраўнёва" была арганізавана медыясесія "Саюзная дзяржава: як перадаць культурны код моладзі", прысвечаная ў тым ліку 175-годдзю з дня нараджэння Ільі Рэпіна. На ёй абмеркавалі пытанні захавання культурнай спадчыны мастака і агульнай культурнай прасторы Беларусі і Расіі. Асновай канцэрта "Саюзная дзяржава запрашае" стала святкаванне 50-годдзя творчай дзейнасці ансамбля "Песняры".
Дні моладзі на "Славянскім базары" ў 2019 годзе памянялі фармат. Мерапрыемствы праходзілі на некалькіх пляцоўках - каля Канцэртнай залы "Віцебск", на плошчы Перамогі і каля Летняга амфітэатра. Маладзёжны інтэлектуальны турнір пад адкрытым небам уключыў такія спаборніцтвы, як камандная "Свая гульня", "Што? Дзе? Калі?", "Квадрыга", фестываль кавер-бэндаў, маладзёжны забег на 2,5 км, фестываль маладзёжных субкультур
і здаровага ладу жыцця, фестываль аўтагуку, выстаўка рэтрааўтамабіляў і байкаў.
У новым фармаце адбыўся і фэст вулічнага мастацтва "На сямі вятрах". У ім удзельнічалі больш за 500 чалавек. Адной з асаблівасцей фэсту стала ўстанаўленне своеасаблівых рэкордаў. У 2019 годзе на Пушкінскім мосце сабралі тысячу пацалункаў.
Горад майстроў у Задзвінні сабраў пераважна народных умельцаў. Яркім дапаўненнем кірмашу рамеснікаў сталі святы-конкурсы па выцінанцы "Ажурныя мары", саломапляценні "Папараць-кветка", шыцці з абрэзкаў "Віцебская мазаіка", традыцыйнай свістульцы "Салавейка".
На "Славянскім базары" канцэрт чэмпіёнаў і фіналістаў Вышэйшай лігі Міжнароднага саюза КВЗ сабраў каманды "Саюз", "Трыёд і Дыёд", "Руская дарога", "Плюшкі імя Яраслава Мудрага" і беларускія калектывы з Мінска і Віцебска. У фінале камандам уручылі копіі прыза фестывалю - "Ліру".
Упершыню на фестывалі адбыўся міжнародны праект Dream Dance Fest. У розных намінацыях (шоу-праграма, народны танец, сучасны, эстрадны, класічны, street dance, беліданс) змагаліся больш за 130 танцавальных калектываў Беларусі, Расіі, Украіны, Арменіі, Узбекістана, Грэцыі і Кітая. Самаму малодшаму яго ўдзельніку было 3 гады, а самаму старэйшаму - ужо за 60.
У дзень закрыцця "Славянскага базару" ў Летнім амфітэатры прайшоў гала-канцэрт італьянскіх выканаўцаў "Viva, Italia!". Спявак Pupo паказаў, як трэба працаваць з публікай: ён прайшоў паміж радамі, абдымаўся з гледачамі і ператварыў сваё выступленне ў дыскатэку. На развітанне артыст выклікаў на сцэну пяцёра гледачоў, сярод якіх аказаўся і італьянец, і ўсе разам выканалі песню Gelato Al Cioccolato.
Асноўныя мерапрыемствы XXXV Міжнароднага фестывалю мастацтваў "Славянскі базар у Віцебску" пройдуць з 16 па 19 ліпеня, а першыя канцэрты адбудуцца ўжо 14 ліпеня.-0-
