ДЗЯРЖОРГАНЫДЗЯРЖОРГАНЫ
Флаг Нядзеля, 28 лістапада 2021
Мінск +1°C
Усе навіны
Усе навіны
Культура
28 верасня 2021, 10:17

Сімфанічны аркестр БАТД адкрые юбілейны сезон канцэртам "Чайкоўскі-гала"

Фота арганізатараў
Фота арганізатараў

28 верасня, Брэст /Кар. БЕЛТА/. Сімфанічны аркестр Брэсцкага акадэмічнага тэатра драмы адкрые сёння 30-ы сезон канцэртам "Чайкоўскі-гала", паведамілі карэспандэнту БЕЛТА ў БАТД.

Аматараў высокага мастацтва чакае сапраўдны трыумф духу. У праграме гала-канцэрта - сюіта з балета "Лебядзінае возера", канцэрт нумар 1 для фартэпіяна з аркестрам, уверцюра "1812 год". У якасці запрошанага артыста выступіць малады беларускі піяніст, лаўрэат міжнародных конкурсаў Аляксандр Данілаў. Дырыжыраваць аркестрам будзе Аляксандр Сасноўскі.

"Чайкоўскі мой любімы кампазітар. Сюіта з балета "Лебядзінае возера" і 1-ы фартэпіянны канцэрт - два яго самыя эпахальныя творы. Гэта музыка ўжо амаль 150 гадоў выконваецца ва ўсім свеце і карыстаецца нязменнай павагай і любоўю. Гэта сведчыць пра глыбіню сапраўднага мастацтва, таму яно вечнае. Уверцюра "1812 год" упершыню будзе выконвацца ў Брэсце - фактычна гэта будзе прэм'ера твора ў горадзе", - расказаў дырыжор.

У юбілейны сезон музыканты сімфанічнага аркестра маюць намер дарыць слухачам сустрэчы з мастацтвам рэгулярна. Так, на 26 кастрычніка ўжо запланаваны сумесны праект "Опера-гала" з удзелам зорак Вялікага тэатра Беларусі. У канцэрце прымуць удзел вядучыя салісты опернай трупы - народныя артысты Настасся Масквіна і Уладзімір Громаў, лаўрэаты міжнародных конкурсаў Марта Данусевіч, Дзяніс Янцэвіч, Дзмітрый Шабеця, Андрэй Мацюшонак, Андрэй Сялюцін і Тарас Прысяжнюк. На канцэрце прагучаць хіты сусветнай оперы і аперэты.

На лістапад аркестр рыхтуе грандыёзную канцэртную праграму з твораў вядомага амерыканскага кампазітара і піяніста, аўтара знакамітых "Блакітнай рапсодыі" і оперы "Поргі і Бес" Джорджа Гершвіна. У канцы снежня па традыцыі плануецца пераднавагодні калядны канцэрт з музыкай Іагана Штрауса, полькамі і вальсамі.

Сімфанічны аркестр Брэсцкага акадэмічнага тэатра драмы заснаваны ў 1993 годзе. Цяпер у рэпертуары калектыву больш за 300 праграм, прадстаўлены ўзоры сусветнай і нацыянальнай класікі, шэдэўры замежнай музыкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі