Фота з архіва
2 красавіка, Мінск /Кар. БЕЛТА/. Дзеці хочуць чытаць аб тым, што адбываецца ў свеце цяпер. Такім меркаваннем з карэспандэнтам БЕЛТА падзяліўся намеснік дырэктара выдавецтва "Мастацкая літаратура" - галоўны рэдактар часопіса "Полымя" Віктар Шніп.
"У Міжнародны дзень дзіцячай кнігі хочацца сказаць, што дзеці - гэта наша будучыня. Яны разумныя, таленавітыя і дапытлівыя. Пры гэтым сёння не хапае айчыннай якаснай дзіцячай літаратуры, а асабліва літаратуры для падлеткаў. Сучасныя дзеці вельмі адрозніваюцца ад папярэдніх пакаленняў, а дарослыя пісьменнікі, на жаль, не заўсёды паспяваюць за прагрэсам і часта не разумеюць, як гаварыць з моладдзю на адной мове. Заўсёды застаецца класіка, але дзеці хочуць чытаць і аб тым, што адбываецца ў свеце цяпер. Пры гэтым маладым пісьменнікам не хапае майстэрства і вопыту, каб напісаць кнігі, актуальныя для падлеткаў", - сказаў Віктар Шніп.
Галоўны рэдактар адзначыў, што асаблівай папулярнасцю карыстаецца кніжная серыя "Жывая класіка дзецям", дзе прадстаўлены ў асноўным зборнікі вершаў класічных аўтараў, а таксама серыя "Я люблю чытаць". У ёй выдаюцца творы для дзяцей, на якіх выраслі іх бацькі. "Дзеці аддаюць перавагу прозе, а калі і чытаюць вершы, то ў асноўным менавіта класіку. Яны любяць загадкі і нескладаныя фэнтэзі-гісторыі. Вялікую цікавасць выклікаюць казкі розных народаў свету на рускай і беларускай мовах", - растлумачыў Віктар Шніп.
Паводле яго слоў, над ілюстрацыямі дзіцячых кніг працуюць у асноўным мастакі да 30 гадоў, паколькі яны нядаўна самі былі дзецьмі і разумеюць, што патрэбна юным чытачам. Часта ў мастакоў ёсць уласныя дзеці, якія становяцца першымі суддзямі гэтых ілюстрацый.
"Нядаўна прайшла кніжная выстаўка-кірмаш, дзякуючы якой у нас была магчымасць пагаварыць са сваімі чытачамі. Гэта своеасаблівая праверка аўтараў на прэзентацыях і попыту на нашы выданні. Добра, што дзіцячыя пісьменнікі ў нас у краіне праводзяць сустрэчы ў школах і бібліятэках. Адбываецца кантакт. Пісьменнікі цягнуцца да чытачоў, а чытачы - да пісьменнікаў", - рэзюмаваў Віктар Шніп.-0-
"У Міжнародны дзень дзіцячай кнігі хочацца сказаць, што дзеці - гэта наша будучыня. Яны разумныя, таленавітыя і дапытлівыя. Пры гэтым сёння не хапае айчыннай якаснай дзіцячай літаратуры, а асабліва літаратуры для падлеткаў. Сучасныя дзеці вельмі адрозніваюцца ад папярэдніх пакаленняў, а дарослыя пісьменнікі, на жаль, не заўсёды паспяваюць за прагрэсам і часта не разумеюць, як гаварыць з моладдзю на адной мове. Заўсёды застаецца класіка, але дзеці хочуць чытаць і аб тым, што адбываецца ў свеце цяпер. Пры гэтым маладым пісьменнікам не хапае майстэрства і вопыту, каб напісаць кнігі, актуальныя для падлеткаў", - сказаў Віктар Шніп.
Галоўны рэдактар адзначыў, што асаблівай папулярнасцю карыстаецца кніжная серыя "Жывая класіка дзецям", дзе прадстаўлены ў асноўным зборнікі вершаў класічных аўтараў, а таксама серыя "Я люблю чытаць". У ёй выдаюцца творы для дзяцей, на якіх выраслі іх бацькі. "Дзеці аддаюць перавагу прозе, а калі і чытаюць вершы, то ў асноўным менавіта класіку. Яны любяць загадкі і нескладаныя фэнтэзі-гісторыі. Вялікую цікавасць выклікаюць казкі розных народаў свету на рускай і беларускай мовах", - растлумачыў Віктар Шніп.
Паводле яго слоў, над ілюстрацыямі дзіцячых кніг працуюць у асноўным мастакі да 30 гадоў, паколькі яны нядаўна самі былі дзецьмі і разумеюць, што патрэбна юным чытачам. Часта ў мастакоў ёсць уласныя дзеці, якія становяцца першымі суддзямі гэтых ілюстрацый.
"Нядаўна прайшла кніжная выстаўка-кірмаш, дзякуючы якой у нас была магчымасць пагаварыць са сваімі чытачамі. Гэта своеасаблівая праверка аўтараў на прэзентацыях і попыту на нашы выданні. Добра, што дзіцячыя пісьменнікі ў нас у краіне праводзяць сустрэчы ў школах і бібліятэках. Адбываецца кантакт. Пісьменнікі цягнуцца да чытачоў, а чытачы - да пісьменнікаў", - рэзюмаваў Віктар Шніп.-0-
