Мабільная версія
ДЗЯРЖОРГАНЫ

Апошнія навіны
Усе навіны

Шаўкаграфію караля поп-арту Эндзі Уорхала ўпершыню прадставяць у Мінску

Культура 20.03.2019 | 17:53
Фота   Globallookpress

20 сакавіка, Мінск /Кар. БЕЛТА/. Выстаўка шаўкаграфій Эндзі Уорхала з серыі "Выміраючыя віды", арганізаваная сумесна з Нацыянальным гістарычным музеем Беларусі, адкрыецца ў выставачнай зале Libra 22 сакавіка, паведаміў БЕЛТА супрацоўнік залы Аляксей Барысевіч.

"Упершыню ў нашай краіне прадставяць дзесяць работ у тэхніцы шаўкаграфіі, разнавіднасці трафарэтнанага друку, аднаго з самых вядомых амерыканскіх мастакоў Эндзі Уорхала. Прывезены яны з Дзяржаўнага Дарвінаўскага музея Масквы", - адзначыў Аляксей Барысевіч.

Паводле яго слоў, многія ведаюць Эндзі Уорхала як аўтара правакацыйных твораў. "Ён намаляваў Мэрылін Манро, Элізабэт Тэйлар, Джыма Морысана і іншых знакамітых персон. Але не ўсе ведаюць, што ў 1983 годзе Эндзі Уорхал стварыў анімалістычную серыю "Выміраючыя віды" па просьбе сяброў, абаронцаў дзікіх жывёл Рональда і Фрэйды Фельдманаў, хоць сам Уорхал не быў зоаабаронцам. Адной з прычын, якая пасадзейнічала з'яўленню гэтай серыі, стала цікавасць мастака да тэмы небяспекі і смерці, што ўзнікла ў яго пасля замаху на жыццё ў 1968 годзе і перажытай клінічнай смерці", - расказаў Аляксей Барысевіч.

Серыя прысвечана жывёлам, якія знаходзіліся на мяжы вымірання на час стварэння работ. Яна ўключае партрэты амурскага тыгра, афрыканскага слана, арангутана, чорнага насарога, зебры Грэві, гіганцкай панды, белагаловага арлана, снежнага барана, драўнянай жабы з сямейства квакшы і матылькі. Іншая назва цыкла - "Жывёлы ў грыме". Яна адлюстроўвае спосаб стварэння гэтых партрэтаў. Уорхал выбіраў найбольш натхняльныя фатаграфіі рэдкіх жывёл, а потым эксперыментаваў з колерам, накладваючы яго на паперу праз асаблівыя сеткаватыя трафарэты, слой за слоем. Глыбокія яркія колеры і іх нечаканыя спалучэнні, а таксама вялікі фармат прыцягваюць увагу гледачоў да праблемы небяспекі, якая пагражае намаляваным жывёлам.

"Партрэты вельмі прыгожыя, у іх ясна відаць стыль сталага Уорхала, зоркі поп-арту першай велічыні. Не дзіўна, што серыя "Выміраючыя віды" мела вялікі поспех на ўсіх выстаўках яшчэ пры жыцці аўтара і стала адной з самых вядомых і дарагіх у творчай спадчыне Эндзі Уорхала", - дадаў Аляксей Барысевіч.

Выстаўка шаўкаграфій Эндзі Уорхала, як плануецца, будзе працаваць па 19 мая.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.