19 ліпеня, Мінск /Кар. БЕЛТА/. Сапрана Вялікага тэатра Беларусі Марта Данусевіч стала пераможцай Міжнароднага конкурсу вакалістаў імя Элізабет Конел, паведамляе БЕЛТА са спасылкай на Telegram-канал Вялікага тэатра.
Беларуская спявачка прадставіла на конкурс запісы з оперных спектакляў "Лятучы галандзец" і "Вілісы. Фатум".
Конкурс памяці Элізабет Конел, арганізаваны ў Аўстраліі (Сідней) фондам Джаан Сазерленд і Рычардам Бонінгам у 2014-м, у гэтым годзе праводзіўся анлайн і быў адкрыты для драматычных сапрана ўсіх нацыянальнасцей ва ўзросце ад 25 да 34 гадоў. Паўдзельнічалі прадстаўніцы 32 краін. Выбіраў пераможцаў маэстра Бонінг.-0-
