ДЗЯРЖОРГАНЫДЗЯРЖОРГАНЫ
Флаг Аўторак, 11 мая 2021
Мінск Ясна +14°C
Усе навіны
Усе навіны
Культура
18 лютага 2021, 17:38

Рыжанкоў: культура - адзін са стрыжняў развіцця краіны, нацыянальнай ідэнтычнасці і патрыятызму

Максім Рыжанкоў
Максім Рыжанкоў

18 лютага, Мінск /Кар. БЕЛТА/. Культура - адзін са стрыжняў развіцця Беларусі, нацыянальнай ідэнтычнасці, аснова ідэалогіі і патрыятызму. Такое меркаванне выказаў сёння першы намеснік кіраўніка Адміністрацыі Прэзідэнта Максім Рыжанкоў падчас падагульняючай калегіі Міністэрства культуры, перадае карэспандэнт БЕЛТА.

"У цэлым мінулы год быў няпросты, у тым ліку і для сферы культуры: свае карэктывы ў планы ўнесла пандэмія. У той жа час у адрозненне ад многіх дзяржаў свету нават у гэтых умовах у Беларусі былі прыняты рашэнні, каб галіна прадаўжала функцыянаваць. Культурнае сэрца ў нашай краіне білася. Я ўпэўнены, што з цягам часу сітуацыя з каранавірусам нармалізуецца, і работа над запланаванымі праектамі прадоўжыцца", - сказаў Максім Рыжанкоў.

Ён адзначыў, што пандэмія прывяла да таго, што краіны закрыліся, турыстычныя патокі знізіліся.

"Дасведчаная дзяржава ў такіх сітуацыях заўсёды арыентуецца на ўнутраны рынак, каб паказаць людзям, моладзі, працоўным калектывам краіну. Наведванне музеяў і культурных аб'ектаў, цікавых лекцый, інтэрактыўных гульняў - праз такое навучанне мы будзем закладваць нашым дзецям беларускасць, прывіваць культуру і любоў да Радзімы, - падкрэсліў Максім Рыжанкоў. - Заўтра - гэта час маладых, таму важны праграмы садзейнічання па пошуку маладых талентаў і іх раскрыцця. Важна ўбачыць, падштурхнуць іх, недзе дапамагчы знайсці сваю сцежку".

Пры гэтым Максім Рыжанкоў заўважыў, што кожны творчы чалавек павінен разумець тую адказнасць, якая ў адпаведнасці са статусам на яго ўскладзена. "Людзі арыентуюцца на прадстаўнікоў крэатыўных прафесій як на тых, хто фарміруе светапогляд, сваімі падыходамі падказваюць грамадству, куды ісці і як успрымаць падзеі. Краіна чакае ад творчых людзей узважанай ацэнкі сітуацыі ў краіне, заснаванай на паўнацэнным поглядзе на ўсе бакі жыцця, аналізе розных крыніц, вывучэнні не толькі парадку дня сённяшняга дня, але і мінулых дасягненняў, а таксама перспектыў, што стаяць перад галіной", - сказаў першы намеснік кіраўніка Адміністрацыі Прэзідэнта.

У пасяджэнні калегіі прынялі ўдзел міністр культуры Анатоль Маркевіч, прадстаўнікі Савета Міністраў, абласных выканкамаў і Мінскага гарвыканкама, кіраўнікі падведамных устаноў культуры.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі