28 красавіка, Мінск /Кар. БЕЛТА/. Мінская Дзіцячая бібліятэка нумар 5 правядзе 29 красавіка "Бібліяноч-kids". Аб гэтым БЕЛТА расказалі ў прэс-службе ўстановы.
Тэма бібліяночы - "Нясумны вечар, або Цуды ў бібліятэцы". Назва гаворыць сама за сябе: кожны юны кнігалюб трапляе ў свет загадак і таямніц. Маленькія госці сустрэнуцца з сапраўднай кніжнай феяй, якая прадсавіць новую кнігу "Таямнiцы зачараванага балота" і дапаможа акунуцца ў чароўны свет казак.
На экскурсіі ад Інфацэнтра японскай культуры наведвальнікі азнаёмяцца з прадметамі побыту і культуры Краіны ўзыходзячага сонца, кнігамі японскіх пісьменнікаў і многім іншым. Дзеці змогуць прыняць удзел у зусім розных майстар-класах, пачынаючы ад лепкі з гліны і пластыліну і заканчваючы майстар-класамі па каліграфіі "Тайны іерогліфаў" і нават па тэхніцы эбру (рысаванне на вадзе. - Заўвага БЕЛТА).
Упрыгожыць мерапрыемства выступленне дзіцячай вакальнай групы, а музей Якуба Коласа прадставіць гульню-віктарыну "Жыццёвы шлях Якуба Коласа", на якой любы жадаючы зможа праверыць свае веды аб творчасці беларускага пісьменніка. Акрамя гэтага, пройдзе прэзентацыя выстаўкі арт-студыі, на якой будуць экспанавацца 20 дзіцячых работ па тэме "Мая мара".
Мерапрыемства пройдзе з 18.00 да 21.00.-0-
