14 чэрвеня, Віцебск /Кар. БЕЛТА/. Віцебская абласная філармонія закрые свой 35-ы музычны сезон 19 чэрвеня канцэртам "Брава, філармонія!". Аб гэтым карэспандэнту БЕЛТА паведаміў мастацкі кіраўнік і галоўны дырыжор сімфанічнага аркестра ўстановы Уладзімір Бяляўскі.
Праграма закрыцця будзе рознапланавай і ўключыць у сябе тры блокі. Першы запросіць слухача ў свет класічнай музыкі - тут прадстаўлены і "Святочная ўверцюра" Дзмітрыя Шастаковіча, яго "Вальс нумар 2", "Венгерскі танец нумар 6" Іаганеса Брамса.
Творы кінамузыкі ўвайшлі ў другі раздзел канцэрта. Для дасведчанай віцебскай публікі прагучаць мелодыі з папулярных серыялаў і фільмаў. Кампазіцыі прыйдуцца даспадобы шматлікім фанатам "Гульні прастолаў", "Зорных войнаў", "Місіі", "Джэймса Бонда", мультфільма "Кароль Леў". Сюрпрыз для аматараў рока - адразу некалькі прэм'ер у выкананні аркестра філармоніі. Музыканты падрыхтавалі хіты груп Metallica, Bon Jovi і не толькі.
Упершыню на канцэрце аркестра будзе прадстаўлены такі інструмент, як барытон горн.
Мастацкі кіраўнік і галоўны дырыжор аркестра адзначыў, што праграма выступленняў максімальна збалансаваная і кантрасная. "Можна сказаць, гэта будзе асарці з лепшага, новага, душэўнага, захапляючага і філасофскага, вядома, і акадэмічнага - святочнага, бо ў нас юбілейны год для філармоніі і горада, - сказаў Уладзімір Бяляўскі. - Упэўнены, праграма не пакіне гледачоў абыякавымі і яны зведаюць самыя розныя эмоцыі ў гэтым багацці музыкі".
Паводле яго слоў, кожную новую праграму аркестр філармоніі стараецца абнаўляць прыкладна на 50-70 працэнтаў, таму нават сталым наведвальнікам філармоніі будзе чаму падзівіцца.
Гэтым шоу, што прысвечана і 1050-годдзю Віцебска (горад адзначыць свой дзень нараджэння ў канцы месяца) філармонія закрые 35-ы канцэртны сезон. Ён для сімфанічнага аркестра быў вельмі насычаным. "Паколькі мы заўсёды хочам парадаваць гледача новымі праграмамі і творамі, вельмі шмат работы праведзена над перакладаннямі для нашага незвычайнага складу. Я нават не сказаў бы, што яго можна назваць паўнацэнным сімфанічным аркестрам. Гэта новая інтэрпрэтацыя традыцыйнага аркестра - стараемся ісці ў нагу з часам, улічваючы новыя тэндэнцыі, музыку і запатрабаванні гледача. А на наступны сезон у нас ужо шмат планаў", - рэзюмаваў Уладзімір Бяляўскі.
Атрымаць асалоду ад твораў розных музычных жанраў у выкананні сімфанічнага аркестра Віцебскай абласной філармоніі гледачы змогуць 19 чэрвеня ў 19.00.-0-
Праграма закрыцця будзе рознапланавай і ўключыць у сябе тры блокі. Першы запросіць слухача ў свет класічнай музыкі - тут прадстаўлены і "Святочная ўверцюра" Дзмітрыя Шастаковіча, яго "Вальс нумар 2", "Венгерскі танец нумар 6" Іаганеса Брамса.
Творы кінамузыкі ўвайшлі ў другі раздзел канцэрта. Для дасведчанай віцебскай публікі прагучаць мелодыі з папулярных серыялаў і фільмаў. Кампазіцыі прыйдуцца даспадобы шматлікім фанатам "Гульні прастолаў", "Зорных войнаў", "Місіі", "Джэймса Бонда", мультфільма "Кароль Леў". Сюрпрыз для аматараў рока - адразу некалькі прэм'ер у выкананні аркестра філармоніі. Музыканты падрыхтавалі хіты груп Metallica, Bon Jovi і не толькі.
Упершыню на канцэрце аркестра будзе прадстаўлены такі інструмент, як барытон горн.
Мастацкі кіраўнік і галоўны дырыжор аркестра адзначыў, што праграма выступленняў максімальна збалансаваная і кантрасная. "Можна сказаць, гэта будзе асарці з лепшага, новага, душэўнага, захапляючага і філасофскага, вядома, і акадэмічнага - святочнага, бо ў нас юбілейны год для філармоніі і горада, - сказаў Уладзімір Бяляўскі. - Упэўнены, праграма не пакіне гледачоў абыякавымі і яны зведаюць самыя розныя эмоцыі ў гэтым багацці музыкі".
Паводле яго слоў, кожную новую праграму аркестр філармоніі стараецца абнаўляць прыкладна на 50-70 працэнтаў, таму нават сталым наведвальнікам філармоніі будзе чаму падзівіцца.
Гэтым шоу, што прысвечана і 1050-годдзю Віцебска (горад адзначыць свой дзень нараджэння ў канцы месяца) філармонія закрые 35-ы канцэртны сезон. Ён для сімфанічнага аркестра быў вельмі насычаным. "Паколькі мы заўсёды хочам парадаваць гледача новымі праграмамі і творамі, вельмі шмат работы праведзена над перакладаннямі для нашага незвычайнага складу. Я нават не сказаў бы, што яго можна назваць паўнацэнным сімфанічным аркестрам. Гэта новая інтэрпрэтацыя традыцыйнага аркестра - стараемся ісці ў нагу з часам, улічваючы новыя тэндэнцыі, музыку і запатрабаванні гледача. А на наступны сезон у нас ужо шмат планаў", - рэзюмаваў Уладзімір Бяляўскі.
Атрымаць асалоду ад твораў розных музычных жанраў у выкананні сімфанічнага аркестра Віцебскай абласной філармоніі гледачы змогуць 19 чэрвеня ў 19.00.-0-
