Фота з архіва
6 студзеня, Мінск /Кар. БЕЛТА/. Што прадугледжваецца дзяржаўнай праграмай "Культурная прастора" на 2026-2030 гады, зацверджанай урадам 31 снежня 2025 года, карэспандэнту БЕЛТА расказалі ў Міністэрстве культуры.
Мэта дзяржпраграмы - захаванне і папулярызацыя гісторыка-культурнай спадчыны, нацыянальных традыцый і звычаяў. У Міністэрстве культуры падкрэслілі, што праграма змяшчае дзве падпраграмы: "Культурная спадчына" і "Мастацтва і творчасць". Падпраграма "Культурная спадчына" накіравана на забеспячэнне даступнасці, якасці і разнастайнасці паслуг, якія прадастаўляюць культурна-асветныя арганізацыі, паркі культуры і адпачынку, заапаркі і арганізацыі культуры змешанага тыпу. Таксама прадоўжыцца работа па захаванні, адраджэнні і развіцці народных мастацкіх рамёстваў, інфарматызацыі і стварэнні нацыянальнага лічбавага кантэнту ў сферы культуры, развіцці культур нацыянальных меншасцей і беларусаў замежжа.
Падпраграма "Мастацтва і творчасць" нацэлена на развіццё прафесійнага мастацтва, міжнароднага супрацоўніцтва і кінематаграфічнай дзейнасці. Дзяржпраграма закладвае сістэмную аснову для захавання культурнай спадчыны, развіцця народных традыцый і падтрымкі сучаснай творчасці.
У ёй таксама вызначаны аб'екты гісторыка-культурнай спадчыны, на якіх плануюць выканаць рамонтна-рэстаўрацыйныя работы за кошт сродкаў як рэспубліканскага бюджэту, так і мясцовых бюджэтаў. Пералік даволі шырокі, у яго ўключаны аб'екты з усёй краіны. Напрыклад, у 2027 годзе плануецца завяршэнне рэстаўрацыйных работ комплексу будынкаў Нацыянальнага мастацкага музея Беларусі. З 2026 па 2029 год шэраг рэстаўрацыйных работ пройдзе ў Палацавым комплексе ў Ружанах Пружанскага раёна. У 2030 годзе павінна завяршыцца рэканструкцыя з кансервацыяй і прыстасаваннем гісторыка-культурнай каштоўнасці Навагрудскага замка, у 2029-м - рэканструкцыя з рэстаўрацыяй касцёла Божага Цела ў Нясвіжы.
У Міністэрстве культуры заўважылі, што ўвага будзе ўдзяляцца развіццю сучасных тэхналогій у рабоце музеяў і арганізацыі культурных мерапрыемстваў. Адна з задач падпраграмы "Культурная спадчына" - гэта інфарматызацыя і стварэнне нацыянальнага лічбавага кантэнту ў сферы культуры. У планах - распрацоўка аўтаматызаваных інфармацыйных сістэм і рэсурсаў для выкарыстання ў рабоце бібліятэк, стварэнне віртуальных экскурсій, алічбоўка фондаў музеяў, бібліятэк, аб'ектаў нематэрыяльнай культурнай спадчыны, прадметаў побыту і традыцыйных рамёстваў, кінафонду Беларусі.
Акрамя таго, дзяржпраграма прадугледжвае актывізацыю эфектыўнага міжнароднага культурнага супрацоўніцтва ў галіне мастацтва і творчасці. Сярод важных задач - пашырэнне дагаворнай базы, умацаванне міжнароднага іміджу Беларусі як дзяржавы з развітой традыцыйнай і сучаснай культурай, садзейнічанне паглыбленню інтэграцыі беларускага мастацтва ў сусветную культурную прастору.-0-
Мэта дзяржпраграмы - захаванне і папулярызацыя гісторыка-культурнай спадчыны, нацыянальных традыцый і звычаяў. У Міністэрстве культуры падкрэслілі, што праграма змяшчае дзве падпраграмы: "Культурная спадчына" і "Мастацтва і творчасць". Падпраграма "Культурная спадчына" накіравана на забеспячэнне даступнасці, якасці і разнастайнасці паслуг, якія прадастаўляюць культурна-асветныя арганізацыі, паркі культуры і адпачынку, заапаркі і арганізацыі культуры змешанага тыпу. Таксама прадоўжыцца работа па захаванні, адраджэнні і развіцці народных мастацкіх рамёстваў, інфарматызацыі і стварэнні нацыянальнага лічбавага кантэнту ў сферы культуры, развіцці культур нацыянальных меншасцей і беларусаў замежжа.
Падпраграма "Мастацтва і творчасць" нацэлена на развіццё прафесійнага мастацтва, міжнароднага супрацоўніцтва і кінематаграфічнай дзейнасці. Дзяржпраграма закладвае сістэмную аснову для захавання культурнай спадчыны, развіцця народных традыцый і падтрымкі сучаснай творчасці.
У ёй таксама вызначаны аб'екты гісторыка-культурнай спадчыны, на якіх плануюць выканаць рамонтна-рэстаўрацыйныя работы за кошт сродкаў як рэспубліканскага бюджэту, так і мясцовых бюджэтаў. Пералік даволі шырокі, у яго ўключаны аб'екты з усёй краіны. Напрыклад, у 2027 годзе плануецца завяршэнне рэстаўрацыйных работ комплексу будынкаў Нацыянальнага мастацкага музея Беларусі. З 2026 па 2029 год шэраг рэстаўрацыйных работ пройдзе ў Палацавым комплексе ў Ружанах Пружанскага раёна. У 2030 годзе павінна завяршыцца рэканструкцыя з кансервацыяй і прыстасаваннем гісторыка-культурнай каштоўнасці Навагрудскага замка, у 2029-м - рэканструкцыя з рэстаўрацыяй касцёла Божага Цела ў Нясвіжы.
У Міністэрстве культуры заўважылі, што ўвага будзе ўдзяляцца развіццю сучасных тэхналогій у рабоце музеяў і арганізацыі культурных мерапрыемстваў. Адна з задач падпраграмы "Культурная спадчына" - гэта інфарматызацыя і стварэнне нацыянальнага лічбавага кантэнту ў сферы культуры. У планах - распрацоўка аўтаматызаваных інфармацыйных сістэм і рэсурсаў для выкарыстання ў рабоце бібліятэк, стварэнне віртуальных экскурсій, алічбоўка фондаў музеяў, бібліятэк, аб'ектаў нематэрыяльнай культурнай спадчыны, прадметаў побыту і традыцыйных рамёстваў, кінафонду Беларусі.
Акрамя таго, дзяржпраграма прадугледжвае актывізацыю эфектыўнага міжнароднага культурнага супрацоўніцтва ў галіне мастацтва і творчасці. Сярод важных задач - пашырэнне дагаворнай базы, умацаванне міжнароднага іміджу Беларусі як дзяржавы з развітой традыцыйнай і сучаснай культурай, садзейнічанне паглыбленню інтэграцыі беларускага мастацтва ў сусветную культурную прастору.-0-
Падпісвайцеся на нас у
