Сцяг Пятніца, 19 ліпеня 2024
Усе навіны
Усе навіны
Культура
25 студзеня 2023, 09:19

Рэспубліканскі конкурс "Гармоніка" пройдзе 11-12 лютага ў Магілёве

25 студзеня, Магілёў /Кар. БЕЛТА/. Рэспубліканскі конкурс "Гармоніка" пройдзе 11-12 лютага ў Магілёве. Ён збярэ на адной сцэне юных баяністаў і выканаўцаў на акардэоне, расказалі БЕЛТА ва ўпраўленні культуры Магілёўскага гарвыканкама.

Конкурс праводзіцца другі раз і накіраваны на падтрымку таленавітых дзяцей і моладзі. Акрамя таго, мерапрыемства садзейнічае папулярызацыі і развіццю нацыянальных традыцый музычнага мастацтва.

Будзе тры намінацыі: "Баян, сола", "Акардэон, сола", "Ансамбль". Да ўдзелу запрашаюцца баяністы і акардэаністы, якія навучаюцца ва ўстановах дадатковай адукацыі дзяцей і моладзі ў сферы культуры, установах агульнай сярэдняй адукацыі краіны і замежных дзяржаў, а таксама навучэнцы сярэдніх спецыяльных навучальных устаноў.

Арганізатарамі конкурсу выступілі ўпраўленне культуры Магілёўскага гарвыканкама, Магілёўская дзіцячая школа мастацтваў нумар 5 пры садзейнічанні Асацыяцыі беларускіх баяністаў і акардэаністаў і Беларускага саюза музычных дзеячаў.-0-

Падпісвайцеся на нас у
Twitter
Топ-навіны
Свежыя навіны Беларусі