Фота з архіва
26 лютага, Мінск /Кар. БЕЛТА/. Рэспубліканскі кінафестываль "Кінавек" стартуе 28 лютага па ўсёй краіне. Аб гэтым журналістам расказала начальнік аддзела па кінематаграфіі Міністэрства культуры Ірына Дрыга, перадае карэспандэнт БЕЛТА.
Паводле слоў Ірыны Дрыгі, "Кінавек" пачне святочныя мерапрыемствы да 100-годдзя беларускага кіно. Стартуе ён 28 лютага, і ў час яго пакажуць больш за 30 лепшых фільмаў нацыянальнай кінастудыі "Беларусьфільм". Фестываль пройдзе па ўсёй краіне - гэта гарады, абласныя і раённыя цэнтры.
Яна адзначыла, што ў Мінску фестываль пройдзе ў кінатэатры "Піянер". "І там жа, у фае, будзе разгорнута выстава, прысвечаная гісторыі беларускага кіно. Выстава будзе знаходзіцца там да канца фестывалю, і аглядаць яе змогуць не толькі наведвальнікі фестывалю, але і ўсе, хто наведвае кінатэатр і тэатр лялек", - падзялілася Ірына Дрыга.
Першы паказ - адрэстаўраваны фільм "Лясная быль". "Фільм гэты нямы, таму ў Мінску ён будзе праходзіць у суправаджэнні тапера, як гэта было раней. А ў рэгіёнах - з накладзенай музыкай", - расказала Ірына Дрыга.
Яна адзначыла, што ў час фестывалю пасля старту кожны тыдзень па серадах будуць паказвацца новыя фільмы. У спіс увайшлі многія класічныя творы: "Прыгоды Бураціна", "Мяне завуць Арлекіна", "Вайна пад дахамі", "Несцерка" і многія іншыя. "Перад паказам будуць выступленні кіназнаўцаў, кінакрытыкаў, супрацоўнікаў кінатэатраў і выкладчыкаў нашых устаноў адукацыі ў сферы культуры. Гэта значыць тых, хто ведае, любіць і па прычыне сваёй прафесіі вывучае кіно, а таксама можа расказаць гледачам, чым знакаміты той ці іншы фільм, яго стваральнікі, якую ролю адыграў гэты фільм у беларускім і сусветным кінематографе", - адзначыла начальнік аддзела.
"Цяпер мы бачым вельмі вялікую моду на рэтрапаказы, асабліва на тэлеканалах. Але ў такім аб'ёме беларускае кіно, выбудаванае па гісторыі яго развіцця, не паказвалі нідзе. Таму гэта будзе цікава і пазнавальна нават тым, хто думае, што ведае пра кіно ўсё", - адзначыла Ірына Дрыга.
Яна падкрэсліла, што фестываль будзе ісці на працягу ўсяго года і скончыцца 11 снежня.-0-
Паводле слоў Ірыны Дрыгі, "Кінавек" пачне святочныя мерапрыемствы да 100-годдзя беларускага кіно. Стартуе ён 28 лютага, і ў час яго пакажуць больш за 30 лепшых фільмаў нацыянальнай кінастудыі "Беларусьфільм". Фестываль пройдзе па ўсёй краіне - гэта гарады, абласныя і раённыя цэнтры.
Яна адзначыла, што ў Мінску фестываль пройдзе ў кінатэатры "Піянер". "І там жа, у фае, будзе разгорнута выстава, прысвечаная гісторыі беларускага кіно. Выстава будзе знаходзіцца там да канца фестывалю, і аглядаць яе змогуць не толькі наведвальнікі фестывалю, але і ўсе, хто наведвае кінатэатр і тэатр лялек", - падзялілася Ірына Дрыга.
Першы паказ - адрэстаўраваны фільм "Лясная быль". "Фільм гэты нямы, таму ў Мінску ён будзе праходзіць у суправаджэнні тапера, як гэта было раней. А ў рэгіёнах - з накладзенай музыкай", - расказала Ірына Дрыга.
Яна адзначыла, што ў час фестывалю пасля старту кожны тыдзень па серадах будуць паказвацца новыя фільмы. У спіс увайшлі многія класічныя творы: "Прыгоды Бураціна", "Мяне завуць Арлекіна", "Вайна пад дахамі", "Несцерка" і многія іншыя. "Перад паказам будуць выступленні кіназнаўцаў, кінакрытыкаў, супрацоўнікаў кінатэатраў і выкладчыкаў нашых устаноў адукацыі ў сферы культуры. Гэта значыць тых, хто ведае, любіць і па прычыне сваёй прафесіі вывучае кіно, а таксама можа расказаць гледачам, чым знакаміты той ці іншы фільм, яго стваральнікі, якую ролю адыграў гэты фільм у беларускім і сусветным кінематографе", - адзначыла начальнік аддзела.
"Цяпер мы бачым вельмі вялікую моду на рэтрапаказы, асабліва на тэлеканалах. Але ў такім аб'ёме беларускае кіно, выбудаванае па гісторыі яго развіцця, не паказвалі нідзе. Таму гэта будзе цікава і пазнавальна нават тым, хто думае, што ведае пра кіно ўсё", - адзначыла Ірына Дрыга.
Яна падкрэсліла, што фестываль будзе ісці на працягу ўсяго года і скончыцца 11 снежня.-0-
