15 верасня, Мінск /Кар. БЕЛТА/. Рэкордная колькасць заявак пададзена на XXVIII Мінскі міжнародны кінафестываль "Лістапад", і яны прадаўжаюць паступаць, паведамілі БЕЛТА ў Міністэрстве культуры.
На гэты час пададзена больш за 450 заявак ад кінематаграфістаў з 55 краін. Геаграфія самая шырокая: ад Еўропы і Азіі да Амерыкі, Афрыкі. Ёсць заяўка і з Аўстраліі.
Заяўкі прымаюцца да 1 кастрычніка ўключна па чатырох намінацыях: асноўны конкурс ігравога кіно (заяўка на ўдзел высылаецца на пошту fiction22@listapad.org); асноўны конкурс неігравога кіно (documentary22@listapad.org); конкурс фільмаў для дзіцячай і юнацкай аўдыторыі "Лiстападзiк" (listapadik22@listapad.org); конкурс анімацыйных фільмаў (праводзіцца ўпершыню) (animation@listapad.org).
З пададзеных заявак эксперты выберуць самыя яркія кінастужкі, якія будуць паказаны ў ходзе кінафестывалю не толькі ў кінатэатрах Мінска, але і ў рэгіёнах краіны.-0-
