Фота kinominska.by
8 мая, Мінск /Кар. БЕЛТА/. На што арыентаваліся пры стварэнні фільма "Мемарыяльныя комплексы Беларусі -2", расказалі рэжысёры кінаальманаха Ірына Тарасава і Наталля Касцючэнка, перадае карэспандэнт БЕЛТА.
Другая частка анімацыйна-дакументальнага альманаха расказвае пра пяць унікальных мемарыяльных комплексаў, створаных у памяць пра падзеі, што адбываліся ў Беларусі ў час Вялікай Айчыннай вайны. Гэта расказы пра мемарыяльны комплекс "Масюкоўшчына" - помнік ахвярам канцлагера Шталаг-352, дзяржаўны мемарыяльны комплекс "Хатынь", мемарыяльны комплекс вязням Азарыцкага лагера смерці, мемарыяльны комплекс "Брэсцкая крэпасць-герой" і мемарыял "За нашу савецкую Радзіму" ("Кацюша").
Рэжысёр студыі анімацыйных фільмаў "Беларусьфільма" Ірына Тарасава адзначыла, што спалучэнне анімацыі з дакументальнымі здымкамі (30 працэнтаў) - гэта вобразная мова, якая дапамагае глядзець на падзеі не ў адрыве ад рэчаіснасці. Задачай рэжысёраў было паказаць вядомыя ўсім мемарыялы з нестандартнага боку, закрануць тое, што не было так шырока асветлена ў прэсе.
Кінарэжысёр студыі анімацыйных фільмаў "Беларусьфільма" Наталля Касцючэнка, рэжысёр фільма пра Брэсцкую крэпасць расказала, што ў сваіх кінакарцінах любіць паказваць лёсы герояў праз павелічальнае шкло. "У мяне ў расказе пра Брэсцкую крэпасць не проста статыстыка аб тым, колькі салдат, якая тэхніка і якая зброя была ў распараджэнні арміі на той момант, а лёс канкрэтнага чалавека. Прычым яго імя не такое раскручанае сярод герояў-абаронцаў Брэсцкай крэпасці. Гэта малады лейтэнант, які трапіў у Брэсцкую крэпасць па размеркаванні за некалькі дзён да пачатку вайны, - Алесь Махнач. У фільме расказваецца, як склаўся яго лёс, якія нягоды ён перажыў у канцлагерах, як дажыў да нашых дзён і прысвяціў усё сваё жыццё падзеям Брэсцкай крэпасці", - падкрэсліла рэжысёр.
"Каб сабраць падрабязную інфармацыю, я звярнулася да навуковых супрацоўнікаў музея Брэсцкай крэпасці, і Алена Міцюкова вельмі хутка дапамагла мне з выбарам героя. Пасля вайны Алесь Махнач праславіўся як пісьменнік, які гаварыў пра дзяцей Брэсцкай крэпасці", - дадала Наталля Касцючэнка.
На яе думку, фільм уразіць юную аўдыторыю і дапаможа дзецям бліжэй пазнаёміцца з падзеямі ваенных гадоў і подзвігам іх продкаў.-0-
Другая частка анімацыйна-дакументальнага альманаха расказвае пра пяць унікальных мемарыяльных комплексаў, створаных у памяць пра падзеі, што адбываліся ў Беларусі ў час Вялікай Айчыннай вайны. Гэта расказы пра мемарыяльны комплекс "Масюкоўшчына" - помнік ахвярам канцлагера Шталаг-352, дзяржаўны мемарыяльны комплекс "Хатынь", мемарыяльны комплекс вязням Азарыцкага лагера смерці, мемарыяльны комплекс "Брэсцкая крэпасць-герой" і мемарыял "За нашу савецкую Радзіму" ("Кацюша").
Рэжысёр студыі анімацыйных фільмаў "Беларусьфільма" Ірына Тарасава адзначыла, што спалучэнне анімацыі з дакументальнымі здымкамі (30 працэнтаў) - гэта вобразная мова, якая дапамагае глядзець на падзеі не ў адрыве ад рэчаіснасці. Задачай рэжысёраў было паказаць вядомыя ўсім мемарыялы з нестандартнага боку, закрануць тое, што не было так шырока асветлена ў прэсе.
Кінарэжысёр студыі анімацыйных фільмаў "Беларусьфільма" Наталля Касцючэнка, рэжысёр фільма пра Брэсцкую крэпасць расказала, што ў сваіх кінакарцінах любіць паказваць лёсы герояў праз павелічальнае шкло. "У мяне ў расказе пра Брэсцкую крэпасць не проста статыстыка аб тым, колькі салдат, якая тэхніка і якая зброя была ў распараджэнні арміі на той момант, а лёс канкрэтнага чалавека. Прычым яго імя не такое раскручанае сярод герояў-абаронцаў Брэсцкай крэпасці. Гэта малады лейтэнант, які трапіў у Брэсцкую крэпасць па размеркаванні за некалькі дзён да пачатку вайны, - Алесь Махнач. У фільме расказваецца, як склаўся яго лёс, якія нягоды ён перажыў у канцлагерах, як дажыў да нашых дзён і прысвяціў усё сваё жыццё падзеям Брэсцкай крэпасці", - падкрэсліла рэжысёр.
"Каб сабраць падрабязную інфармацыю, я звярнулася да навуковых супрацоўнікаў музея Брэсцкай крэпасці, і Алена Міцюкова вельмі хутка дапамагла мне з выбарам героя. Пасля вайны Алесь Махнач праславіўся як пісьменнік, які гаварыў пра дзяцей Брэсцкай крэпасці", - дадала Наталля Касцючэнка.
На яе думку, фільм уразіць юную аўдыторыю і дапаможа дзецям бліжэй пазнаёміцца з падзеямі ваенных гадоў і подзвігам іх продкаў.-0-
Падпісвайцеся на нас у
