Сцяг Серада, 22 мая 2024
Усе навіны
Усе навіны
Культура
07 сакавіка 2024, 10:14

"Радуе вока, сэрца і душу". Выстава НММ да 8 Сакавіка адкрылася ў пасольстве Беларусі ў Расіі

7 сакавіка, Масква /Кар. БЕЛТА/. Напярэдадні Міжнароднага жаночага дня Нацыянальны мастацкі музей Беларусі прадставіў выставу "Вясна, напоўненая святлом" у Дзелавым і культурным комплексе Пасольства Рэспублікі Беларусь у Расійскай Федэрацыі, перадае карэспандэнт БЕЛТА.

У экспазіцыю ўвайшлі 26 твораў жывапісу. Гэта партрэты, пейзажы, нацюрморты, якія створаны беларускімі мастакамі розных пакаленняў, як мэтрамі, так і нядаўнімі выпускнікамі Беларускай дзяржаўнай акадэміі мастацтваў.

Як расказала карэспандэнту БЕЛТА генеральны дырэктар Нацыянальнага мастацкага музея Ганна Конанава, установа культуры з радасцю выступіла з ініцыятывай павіншаваць жанчын з надыходзячым святам такім чынам.   

"Тут прадстаўлены работы не з нашай калекцыі, але Нацыянальны мастацкі музей выступіў куратарам гэтай экспазіцыі. Тут прадстаўлены работы найбольш вядомых сучасных беларускіх мастакоў. Ёсць работы нядаўніх выпускнікоў Беларускай дзяржаўнай акадэміі мастацтваў і цяперашніх студэнтаў. Мы сочым, каб работы нашага маладога пакалення мастакоў былі прадстаўлены на такіх знакавых і значных пляцоўках", - сказала Ганна Конанава.

Яна адзначыла, што сёння вельмі вялікая ўвага ўдзяляецца сучаснаму мастацтву: "Для дэманстрацыі калекцый ёсць пастаянныя экспазіцыі. А прадставіць выставу нашых сучасных мастакоў на такой пляцоўцы - гэта вялікі гонар".

Акрамя таго, гэта пляцоўка адкрывае магчымасці і для саміх сучасных беларускіх мастакоў. "Гэта ж дыпламатычная пляцоўка. І наша выстава, напэўна, таксама з'яўляецца своеасаблівым сімвалам моцнай дружбы народаў Беларусі і Расіі. Яна таксама сведчыць аб умацаванні сувязей у галіне культуры і мастацтва", - дадала гендырэктар Нацыянальнага мастацкага музея.

"Уражанні ад выставы самыя станоўчыя. Па-першае, яна прысвечана Міжнароднаму жаночаму дню. Па-другое, карціны ўсе пазітыўныя, яны ўзнімаюць настрой. Яны радуюць вока, сэрца і душу", - падзялілася ўражаннямі ад выставы старшыня нацыянальна-культурнай аўтаноміі "Беларусы Масквы" Ала Тужылкіна.-0-

Падпісвайцеся на нас у
Twitter
Топ-навіны
Свежыя навіны Беларусі