10 жніўня, Мінск /Кар. БЕЛТА/. Продажы білетаў на фінальнае шоу XII Нацыянальнага конкурсу прыгажосці "Міс Беларусь" стартуюць 10 жніўня, паведамілі БЕЛТА ў Міністэрстве культуры.
"Галоўнае шоу года, сюжэт якога натхнёны беларускімі легендамі і святамі, пройдзе 10 верасня ў Палацы спорту. У гэты дзіўны вечар самыя чароўныя дзяўчыны краіны прадэманструюць сваю грацыю, талент і дасціпнасць. Кампетэнтнае журы, у склад якога ўвойдуць зоркі мастацтва, моды і спорту, выбера самую прыгожую беларуску. Менавіта яна, адзіная і непаўторная, прадставіць нашу краіну на конкурсе "Міс свету", - расказалі ў міністэрстве.-0-