Мабільная версія
ДЗЯРЖОРГАНЫ

Апошнія навіны
Усе навіны

Прэс-канферэнцыя да адкрыцця выставы "Шрага Царфін. Рух да святла" пройдзе 5 снежня ў НММ

Культура 28.11.2019 | 17:53

28 лістапада, Мінск /Кар. БЕЛТА/. Прэс-канферэнцыя, прымеркаваная да адкрыцця выставы "Шрага Царфін. Рух да святла", адбудзецца ў Нацыянальным мастацкім музеі Беларусі 5 снежня ў 17.00 пры інфармацыйнай падтрымцы БЕЛТА.

Выставачны праект арганізаваны да 120-годдзя з дня нараджэння мастака. Беларускай публіцы ўпершыню прадставяць збор твораў Шрагі Царфіна з калекцыі групы кампаній А-100, набытых у спадкаемнікаў мастака ў 2019 годзе, а таксама творы з прыватных беларускіх і замежных калекцый. На выставе пакажуць больш за сорак твораў, якія былі створаны ў розныя гады і адлюстроўваюць самыя разнастайныя грані таленту мастака.

Файбіш-Шрага Царфін - мастак Парыжскай школы, чалавек незвычайнага лёсу, ураджэнец беларускага мястэчка Смілавічы. У сваёй творчасці ён імкнуўся перадаць хвалюючыя яго духоўныя і філасофскія праблемы. Быў выдатным каларыстам, выкарыстоўваў своеасаблівую палітру, знаходзячыся ўвесь час у пошуку выразных сродкаў. Адна з вядучых тэм у яго творчасці - пейзажы Францыі, якая стала для яго другой радзімай. Карціны мастака знаходзяцца ў зборах Ротшыльдаў, сям'і Чапліна Хелены Рубінштэйн. Ёсць звесткі, што як паспяховы мастак па тканінах шэраг эскізаў у 1930-я гады выканаў для Како Шанэль, якая пачынала кар'еру.

Экспазіцыя "Шрага Царфін. Рух да святла" размесціцца ў сценах Нацыянальнага мастацкага музея. Для наведвальнікаў выстава адкрыецца 6 снежня і прадоўжыцца да 19 лютага.

Акрэдытацыя СМІ па тэлефонах (017) 327-24-47, (044) 583-84-04 (+Viber, Telegram), электроннай пошце: pressuser@belta.by. Электронныя заяўкі дзейнічаюць толькі пасля атрымання пацвярджэння прэс-цэнтра БЕЛТА.-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.