20 снежня, Гомель /Кар. БЕЛТА/. Гомельскі абласны драматычны тэатр 20-22 снежня прадставіць прэм'еру камедыі "Рабі дабро - зводзь з розуму!" паводле п'есы маскоўскага драматурга Ігара Глінкова, паведамілі БЕЛТА ў тэатры.
"У канцы рабочага дня ў кабінет ўрача заявіўся незвычайны наведвальнік. Ён некалі быў простым чалавекам, са звычайнай работай, нічым не знамянальным жыццём. Але здарыўся цуд, і ён моцна палюбіў людзей, за што і быў узведзены ў анёлы. Хутка тут з'явіцца і другі пацыент, на гэты раз прадстаўнік цёмных сіл, таксама "вылучаны на пасаду" са звычайных грамадзян", - расказалі аб сюжэце ў тэатры. Гледачы стануць сведкамі незвычайнага паядынку паміж двума наведвальнікамі. Арбітрам у ім трэба будзе стаць гаспадару ўрачэбнага кабінета.
Над спектаклем працавалі рэжысёр-пастаноўшчык - заслужаны дзеяч мастацтваў Беларусі Сяргей Кавальчык, мастак-пастаноўшчык - галоўны мастак Гомельскага аблдрамтэатра Таццяна Стысіна. У спектаклі заняты акцёры аблдрамтэатра Сяргей Лагуценка, Юрый Марціновіч і Дзмітрый Попчанка.-0-
