6 лютага, Мінск /Кар. БЕЛТА/. Прэм'еру камедыі "Асабліва небяспечныя пенсіянеры" прадставіў Нацыянальны акадэмічны драматычны тэатр імя М.Горкага ў Рэспубліканскім палацы культуры прафсаюзаў, перадае карэспандэнт БЕЛТА.
Галоўнаму герою спектакля - следчаму Пісталетаву (заслужаны артыст Беларусі Сяргей Чэкерэс) - трэба выратаваць свайго былога калегу Жалязнова, якога выкрадае злачынец Змей, што выйшаў на волю. Пісталетаў праходзіць скрозь шэраг перашкод і выпрабаванняў, каб дасягнуць сваёй мэты.
У пастаноўцы злучыліся іранічны гумар і адсылкі да вядомых баевікоў. Рэжысёр-пастаноўшчык Дэвід Разумаў адзначыў, што новая прэм'ера - смешная і сучасная пародыя на баявік, у якой абыгрываюцца частыя клішэ гэтага жанру. "Перастрэлкі будуць, выбухі таксама, таму камедыя агнястрэльная. Тэма нібыта мужчынская, але я думаю, што барацьба з бандытамі будзе цікавая гледачам усіх слаёў і ўзростаў", - сказаў ён.
"У тэатры я працую ўжо даўно, таму ролі ў гэтай п'есе пісаў пад вызначаных артыстаў. Спрэчак у час рэпетыцый амаль не ўзнікала, паколькі я адразу тлумачыў, што хацеў сказаць аўтар. Ідэя прыйшла да мяне яшчэ год таму, потым яна шліфавалася. Над тэкстам працаваў недзе тры месяцы, а на рэпетыцыі пайшло прыкладна два з паловай. Вядома, пачуццё гумару індывідуальна і суб'ектыўна. Напэўна не ўсім смешна тое, што смешна мне, але калі я першы раз чытаў п'есу артыстам, яны смяяліся", - заўважыў Дэвід Разумаў.
Заслужаны артыст Беларусі, вядучы майстар сцэны тэатра імя М.Горкага Андрэй Душачкін выканаў у пастаноўцы ролю галоўнага антаганіста, крымінальнага аўтарытэта Змея, які выходзіць на волю пасля 20 гадоў турмы. "Я ў першую чаргу даследую ўнутраную сутнасць героя, якога іграю, а не тое, чым ён з'яўляецца сацыяльна. Вам, напэўна, здаецца, што я не падобны да Змея, але пры рабоце над гэтай роляй я ўспамінаў людзей той фармацыі, якія мелі дачыненне да крыміналу. Даследаваў іх манеру стасункаў і ўнутраныя законы і паняцці, таму што тут гэта было важна, шукаў сваю кардынальна іншую прыроду існавання. Мне гэта вельмі падабаецца як артысту. Цікава, як мяне будзе ўспрымаць публіка", - растлумачыў Андрэй Душачкін.
Пры гэтым, паводле яго слоў, п'еса Дэвіда Разумава не аб крымінале. Гэта філасофска-іранічная, добрая ў адносінах да людзей гісторыя з сумным фіналам. Яна нагадвае біблейскія прытчы пра другі шанц, калі чалавек усвядоміў нешта, пакаяўся і мае права на дараванне. Спектакль вызначаецца стыльнымі, яркімі дыялогамі. Па фармаце ён не падобны да іншых пастановак тэатра.
"Я буду вельмі рады, калі Дэвід Разумаў заявіць аб сабе яшчэ і як малады беларускі драматург. Ён настроены на творчасць. Мне прыемна з ім працаваць, і я лічу, што нам патрэбна змена пакаленняў у рэжысуры і драматургіі", - дадаў артыст.
На яго думку, слова "агнястрэльная" не трэба ўспрымаць непасрэдна. Яно хутчэй звязана з формай падачы матэрыялу і адкрытай энергетыкай уздзеяння на залу гледачоў.-0-
Фота Таццяны Матусевіч
Галоўнаму герою спектакля - следчаму Пісталетаву (заслужаны артыст Беларусі Сяргей Чэкерэс) - трэба выратаваць свайго былога калегу Жалязнова, якога выкрадае злачынец Змей, што выйшаў на волю. Пісталетаў праходзіць скрозь шэраг перашкод і выпрабаванняў, каб дасягнуць сваёй мэты.
У пастаноўцы злучыліся іранічны гумар і адсылкі да вядомых баевікоў. Рэжысёр-пастаноўшчык Дэвід Разумаў адзначыў, што новая прэм'ера - смешная і сучасная пародыя на баявік, у якой абыгрываюцца частыя клішэ гэтага жанру. "Перастрэлкі будуць, выбухі таксама, таму камедыя агнястрэльная. Тэма нібыта мужчынская, але я думаю, што барацьба з бандытамі будзе цікавая гледачам усіх слаёў і ўзростаў", - сказаў ён.
"У тэатры я працую ўжо даўно, таму ролі ў гэтай п'есе пісаў пад вызначаных артыстаў. Спрэчак у час рэпетыцый амаль не ўзнікала, паколькі я адразу тлумачыў, што хацеў сказаць аўтар. Ідэя прыйшла да мяне яшчэ год таму, потым яна шліфавалася. Над тэкстам працаваў недзе тры месяцы, а на рэпетыцыі пайшло прыкладна два з паловай. Вядома, пачуццё гумару індывідуальна і суб'ектыўна. Напэўна не ўсім смешна тое, што смешна мне, але калі я першы раз чытаў п'есу артыстам, яны смяяліся", - заўважыў Дэвід Разумаў.
Заслужаны артыст Беларусі, вядучы майстар сцэны тэатра імя М.Горкага Андрэй Душачкін выканаў у пастаноўцы ролю галоўнага антаганіста, крымінальнага аўтарытэта Змея, які выходзіць на волю пасля 20 гадоў турмы. "Я ў першую чаргу даследую ўнутраную сутнасць героя, якога іграю, а не тое, чым ён з'яўляецца сацыяльна. Вам, напэўна, здаецца, што я не падобны да Змея, але пры рабоце над гэтай роляй я ўспамінаў людзей той фармацыі, якія мелі дачыненне да крыміналу. Даследаваў іх манеру стасункаў і ўнутраныя законы і паняцці, таму што тут гэта было важна, шукаў сваю кардынальна іншую прыроду існавання. Мне гэта вельмі падабаецца як артысту. Цікава, як мяне будзе ўспрымаць публіка", - растлумачыў Андрэй Душачкін.
Пры гэтым, паводле яго слоў, п'еса Дэвіда Разумава не аб крымінале. Гэта філасофска-іранічная, добрая ў адносінах да людзей гісторыя з сумным фіналам. Яна нагадвае біблейскія прытчы пра другі шанц, калі чалавек усвядоміў нешта, пакаяўся і мае права на дараванне. Спектакль вызначаецца стыльнымі, яркімі дыялогамі. Па фармаце ён не падобны да іншых пастановак тэатра.
"Я буду вельмі рады, калі Дэвід Разумаў заявіць аб сабе яшчэ і як малады беларускі драматург. Ён настроены на творчасць. Мне прыемна з ім працаваць, і я лічу, што нам патрэбна змена пакаленняў у рэжысуры і драматургіі", - дадаў артыст.
На яго думку, слова "агнястрэльная" не трэба ўспрымаць непасрэдна. Яно хутчэй звязана з формай падачы матэрыялу і адкрытай энергетыкай уздзеяння на залу гледачоў.-0-
Фота Таццяны Матусевіч
Падпісвайцеся на нас у
