ДЗЯРЖОРГАНЫДЗЯРЖОРГАНЫ
Флаг Субота, 25 чэрвеня 2022
Мінск Ясна +26°C
Усе навіны
Усе навіны
Культура
09 лістапада 2021, 10:30

Прэм'ера спектакля "Нараджэнне зорак" адбудзецца на сцэне музтэатра 12 лістапада

Фота тэатра
Фота тэатра

9 лістапада, Мінск /Кар. БЕЛТА/. Музычнае рэвю "Нараджэнне зорак" расійскага рэжысёра-пастаноўшчыка Ільі Усцьянцава прадставяць 12 лістапада на сцэне Беларускага дзяржаўнага акадэмічнага музычнага тэатра, паведамілі БЕЛТА ва ўстанове культуры.

Пасля нашумелай пастаноўкі мюзікла Аркадзя Укупніка на лібрэта Карэна Кавалерана "Рамэа vs Джульета. Праз XX гадоў" рэжысёр пачаў рэпетыцыі новага спектакля - музычнага рэвю ў дзвюх дзеях "Нараджэнне зорак" (лібрэта Георгія Шылава і Ільі Усцьянцава). Арганізатары адзначылі, што ў гэтай пастаноўцы выкарыстаны лепшыя музычныя нумары з сусветных мюзіклаў.

"У аснову сюжэтнай лініі пакладзена гісторыя пажылой актрысы Одры. Знаходзячыся ў цяжкім фінансавым становішчы, яна аказваецца ахвярай "паспяховых бізнесменаў". Гэтыя людзі спрабуюць выселіць гераіню з кватэры, каб займець пад свой кантроль увесь дом, раён і ў выніку ўвесь горад. Жыхары горада N чакаюць пазітыўных перамен, якія павінен прынесці вакальны конкурс, што носіць назву самога спектакля. Менавіта ён зрывае маскі і ставіць усё на свае месцы. У адно імгненне змяняецца многае: маладыя сустракаюць сапраўднае каханне, планы бізнесменаў рушацца, а ў горадзе ўсталёўваецца мір і любоў", - дадалі ў тэатры.

Дырыжор-пастаноўшчык спектакля Мікалай Макарэвіч, мастак-пастаноўшчык Андрэй Меранкоў, мастак па касцюмах Валянціна Праўдзіна, вакальны кіраўнік Святлана Пятрова.

Прэм'ерны паказ музычнага рэвю пройдзе таксама 13 лістапада.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі