Сцяг Субота, 13 ліпеня 2024
Усе навіны
Усе навіны
Культура
22 чэрвеня 2024, 18:13

Прэм'ера гістарычнай драмы "Радавыя" ў Тэатры-студыі кінаакцёра прайшла пры поўным аншлагу

Фота Тэатра-студыі кінаакцёра
Фота Тэатра-студыі кінаакцёра
21 чэрвеня, Мінск /Кар. БЕЛТА/. Прэм'ера гістарычнай драмы "Радавыя" ў Тэатры-студыі кінаакцёра прайшла пры поўным аншлагу, паведамілі карэспандэнту БЕЛТА ў тэатры.

"Прэм'ера 20 і 21 чэрвеня праходзіла пры поўнай зале. У першы прэм'ерны дзень сярод гледачоў былі прадстаўнікі грамадскага аб'яднання "Белая Русь", у другі дзень пастаноўку наведаў міністр культуры Анатоль Маркевіч", - паведамілі ў тэатры.

Спектакль без перабольшання ўзрушыў гледачоў, падкрэслілі ў тэатры. "Пастаноўка сапраўды вельмі эмацыянальная, вельмі моцная, вельмі магутная, з такімі ж моцнымі выказваннямі. Гледачы былі ўзрушаны ўбачаным", - дадалі ў тэатры, падкрэсліўшы, што ў спектаклі няма ніводнай слабай ролі. Вельмі яскрава раскрыліся артысты, якія да гэтага выступалі ў іншым амплуа.

Увогуле, прэм'ера гістарычнай драмы "Радавыя" для Тэатра-студыі кінаакцёра, несумненна, стала падзеяй. Спектакль заяўлены ў рэпертуарнай афішы і ў пачатку ліпеня. "Радавыя" пайшлі пераможным маршам", - рэзюмавалі ў тэатры.

Паводле слоў рэжысёра-пастаноўшчыка спектакля, мастацкага кіраўніка Тэатра-студыі кінаакцёра, народнага артыста Беларусі Аляксандра Яфрэмава, "Радавыя" - гэта спектакль пра людзей, якія перамаглі ў Вялікай Айчыннай вайне. "Спектакль пра беларусаў, іх дабрыню, вельмі кранальныя адносіны адзін да аднаго. Спектакль пра людзей на вайне, пра Перамогу, якая ў генах беларускага народа, пра наш народ, які вынес тую вайну на сваіх плячах і які ў складзе савецкага народа перамог", - сказаў ён.

Аляксандр Яфрэмаў падкрэсліў, што беларускі народ ніколі не зменіць сваіх адносін да Перамогі ў Вялікай Айчыннай вайне. "Гэта была вялікая Перамога вялікага народа", - сказаў на заканчэнне ён.-0-
Падпісвайцеся на нас у
Twitter
Топ-навіны
Свежыя навіны Беларусі