12 студзеня, Мінск /Кар. БЕЛТА/. Прадстаўніка Беларусі на міжнародным конкурсе песні "Еўрабачанне-2018" выберуць 16 лютага, паведамілі БЕЛТА ў Белтэлерадыёкампаніі.
11 студзеня ў медыяхолдынгу прайшоў кастынг прэтэндэнтаў на выхад у фінал. Амаль 90 артыстаў з Беларусі, Расіі, Украіны, Малдовы, Вялікабрытаніі прадставілі свае кампазіцыі на суд журы. Сайт Белтэлерадыёкампаніі вёў прамую трансляцыю праслухоўвання. Толькі на tvr.by за першым этапам нацыянальнага адбору сачылі 10 тыс. гледачоў, на YouTube - на некалькі дзясяткаў тысяч больш. У фінал выйшлі 11 выканаўцаў.
У аўторак, 16 студзеня, будзе вядома пра парадак выхаду выканаўцаў на сцэну, на гэты дзень назначана жараб'ёўка. Само ж фінальнае шоу запланавана на 16 лютага. У прамым эфіры гледачы і журы выберуць пераможцу праекта, які прадставіць Беларусь на міжнародным конкурсе песні "Еўрабачанне-2018" у Лісабоне (Партугалія).
Фіналістамі нацыянальнага адбору на "Еўрабачанне-2018" па рашэнні прафесійнага журы сталі: ALEN HIT (з песняй "I Don't Сare"), Adagio ("Ты і я"), Lexy ("Ain't You"), Соф'я Лапіна ("Gravity"), Napoli ("Chasing Rushes"), Alekseev ("Forever"), Анастасія Малашкевіч ("World on Fire"), Гюнеш ("I won't Cry"), Кірыл Гуд ("Deja Vu"), Радыёхваля ("Subway Lines"), Shuma ("Хмаркі").-0-
