Мабільная версія
ДЗЯРЖОРГАНЫ

Апошнія навіны
Усе навіны

Прадстаўнік Беларусі на дзіцячым "Еўрабачанні-2018" будзе вызначаны 31 жніўня

Культура 28.08.2018 | 10:48

28 жніўня, Мінск /Кар. БЕЛТА/. Прадстаўнік Беларусі на дзіцячым "Еўрабачанні-2018" будзе вызначаны 31 жніўня, паведамілі БЕЛТА ў прэс-службе Белтэлерадыёкампаніі.

У гэтым годзе фінал Нацыянальнага адбору абяцае стаць сапраўдным вакальным батлам, у якім сыдуцца група "Мята" (г. Мінск), Даніэль Алекс Ястрэмскі (г. Мінск), Лізавета Мея (г. Жодзіна, Мінская вобласць), Арцём Скароль (г. Ашмяны, Гродзенская вобласць), Ангеліна Ярашчук (г. Мінск), вакальная група Мonkey Tops (г. Мінск), Марыя Жыліна (г. Мінск), Яраслаў Саколікаў (г. Мінск), Мікіта Бялько (г. Мінск), Марыя Гулевіч (г. Мінск). Фінал нацыянальнага адборачнага тура дзіцячага конкурсу песні "Еўрабачанне-2018" у прамым эфіры пакажуць тэлеканалы "Беларусь 1" і "Беларусь 24". Гала-канцэрт на гэтых каналах, а таксама ў анлайн-трансляцыі на афіцыйным сайце медыяхолдынга www.tvr.by пачнецца ў 22.00.

Пераможца будзе вызначаны па выніках галасавання прафесійнага журы і тэлегледачоў. Ён прадставіць Беларусь на дзіцячым "Еўрабачанні-2018" 25 лістапада бягучага года ў Мінску.

Увесь вечар разам з удзельнікамі фіналу будуць вядучыя праграмы "Добрай раніцы, Беларусь!" Тэа і Вольга Рыжыкава.

Адкрые гала-канцэрт прадстаўнік Беларусі на дзіцячым конкурсе песні "Еўрабачанне-2017" Хелена Мерааі. Яна выканае песню "Я самая", якая гучала на міжнародным песенным форуме ў Тбілісі.

Магчымасць выступіць у якасці гасцей гала-канцэрта атрымаюць тыя, каму не ўдалося прайсці ў фінал нацыянальнага адбору гэтага года, але прафесійнае журы адзначыла высокі ўзровень іх творчых нумароў у час праслухоўвання.

Выступленню кожнага з 10 фіналістаў будуць папярэднічаць відэавізіткі, здымкі якіх ажыццявіла творчая каманда медыяхолдынга (рэжысёр - Яна Шаблыка). Пачынаючы з 27 жніўня візіткі прэтэндэнтаў можна ўбачыць у праграме "Добрай раніцы, Беларусь!".

Арганізатарам і каардынатарам усіх мерапрыемстваў дзіцячага "Еўрабачання-2018" выступае Нацыянальная дзяржаўная тэлерадыёкампанія Беларусь як адзіны ў краіне член Еўрапейскага вяшчальнага саюза (ЕВС).-0-

Версія для друку
Навіны рубрыкі Культура
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Расія: гандлёва-эканамічнае супрацоўніцтва Расія - асноўны гандлёвы партнёр Беларусі. Аб'ём знешняга гандлю таварамі з Расіяй у 2018 годзе ў параўнанні з 1996-м павялічыўся амаль у 5,5 раза.