ДЗЯРЖОРГАНЫДЗЯРЖОРГАНЫ
Флаг Чацвер, 11 жніўня 2022
Мінск Пераменная воблачнасць +22°C
Усе навіны
Усе навіны
Культура
24 чэрвеня 2022, 10:18

Пляценне вянкоў, песні і танцы: у музеі Я.Купалы адзначаць юбілей народнага паэта

Фота з архіва
Фота з архіва

24 чэрвеня, Мінск /Кар. БЕЛТА/. Цыкл мерапрыемстваў, прысвечаных 140-годдзю з дня нараджэння першага народнага паэта Беларусі Янкі Купалы, адкрые праграма "Купальская ноч у Купалаўскім доме" 24 чэрвеня, расказала карэспандэнту БЕЛТА прэс-сакратар міністэрства культуры Святлана Шыян.

У Год гістарычнай памяці і з нагоды юбілею народнага паэта асабліва ўрачыста пройдуць купалаўскія дні, якія сталі ўжо традыцыйнымі. "Напярэдадні дня нараджэння беларускага песняра 24 чэрвеня ў Дзяржаўным літаратурным музеі Янкі Купалы адбудзецца праграма "Купальская ноч у Купалаўскім доме", - сказала Святлана Шыян.

"Свята Купалле ў народзе лічылі часам, калі здараюцца цуды. Быццам бы толькі ў гэту ноч зацвітала дзівосная кветка папараці. Гэта легенда ўвасобіла мару чалавека аб шчаслівым жыцці. Менавіта з яе пачынаецца мастацкі свет Янкі Купалы", - адзначылі ва ўстанове.

У праграме купальскага вечара запланаваны ўдзел фальклорнага калектыву "Этнасуполка" Беларускага дзяржаўнага ўніверсітэта культуры і мастацтваў. У гэты вечар таксама на тэрыторыі ўстановы пройдуць майстар-класы па пляценні купальскіх вянкоў, выкананні старадаўніх песень і танцаў.

Пачатак мерапрыемства ў 18.30.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі