9 студзеня, Віцебск /Алеся Пушнякова - БЕЛТА/. Конкурсныя прагляды танцораў і вакалістаў праходзяць на VI Міжнародным фестывалі-конкурсе "Арт-парад у Віцебску", перадае карэспандэнт БЕЛТА.
У ліку першых паказалі сябе прыхільнікі народнага танца. На сцэне канкурсанты прадставілі калектыўныя і індывідуальныя нумары. Танцоры прадэманстравалі багатую разнастайнасць танцаў народаў свету. Гледачоў не пакінулі абыякавымі італьянскія матывы і вобразы міжземнаморскіх рыбакоў і рыбачак - з такім нумарам выступіў калектыў "Акуліна" з Расіі. А больш старэйшая група гэтага ж ансамбля выйшла на сцэну з відовішчным танцам "Танок з паясамі". Журы ацэньвала тэхніку выканання, музычнасць, сінхроннасць, пластыку, касцюмы і адпаведнасць заяўленаму вобразу, а таксама артыстызм удзельнікаў.
Свае конкурсныя нумары прадставяць сёння і ўдзельнікі ў намінацыі эстраднага танца, вакалісты. На гала-канцэрце і цырымоніі ўзнагароджвання лаўрэатаў 10 студзеня назавуць уладальніка Гран-пры, спецпрызам для якога стане запрашэнне на XXXIV Міжнародны фестываль мастацтваў "Славянскі базар у Віцебску".
Таксама ўпершыню на конкурсе вызначаць самага моцнага вакаліста, які кране сэрцы публікі і членаў журы выкананнем кампазіцыі пра беларускую зямлю, родны край, простыя чалавечыя каштоўнасці. Артысту ўручаць выведзеную ў бягучым годзе спецыяльную прэмію імя Марка Фрадкіна. Арганізатары "Арт-парада" нагадалі, што народны артыст СССР, савецкі кампазітар, аўтар папулярных у сярэдзіне XX стагоддзя песень і музыкі да кінафільмаў Марк Фрадкін нарадзіўся ў Віцебску. Ён быў і на першым музычным фестывалі польскай песні ў Віцебску ў 1988 годзе, з якога і зарадзілася традыцыя "Славянскага базару".
Акрамя конкурснай праграмы, удзельнікі фестывалю-конкурсу змогуць пабываць на майстар-класах па вакале і харэаграфіі ад вядучых майстроў сцэны з Беларусі, Расіі, Славакіі, Грузіі.
У бягучым годзе ўдзельнікамі "Арт-парада ў Віцебску" сталі амаль тысяча юных артыстаў з больш як дзесяці краін свету. Яны спаборнічаюць у анлайн- і афлайн-фарматах.-0-
У ліку першых паказалі сябе прыхільнікі народнага танца. На сцэне канкурсанты прадставілі калектыўныя і індывідуальныя нумары. Танцоры прадэманстравалі багатую разнастайнасць танцаў народаў свету. Гледачоў не пакінулі абыякавымі італьянскія матывы і вобразы міжземнаморскіх рыбакоў і рыбачак - з такім нумарам выступіў калектыў "Акуліна" з Расіі. А больш старэйшая група гэтага ж ансамбля выйшла на сцэну з відовішчным танцам "Танок з паясамі". Журы ацэньвала тэхніку выканання, музычнасць, сінхроннасць, пластыку, касцюмы і адпаведнасць заяўленаму вобразу, а таксама артыстызм удзельнікаў.
Свае конкурсныя нумары прадставяць сёння і ўдзельнікі ў намінацыі эстраднага танца, вакалісты. На гала-канцэрце і цырымоніі ўзнагароджвання лаўрэатаў 10 студзеня назавуць уладальніка Гран-пры, спецпрызам для якога стане запрашэнне на XXXIV Міжнародны фестываль мастацтваў "Славянскі базар у Віцебску".
Падпісвайцеся на нас у
