Сцяг Чацвер, 25 красавіка 2024
Усе навіны
Усе навіны
Культура
13 студзеня 2023, 17:52

Пяць пастановак Беларускага музтэатра ўбачаць тульскія гледачы

13 студзеня, Мінск /Кар. БЕЛТА/. Беларускі дзяржаўны акадэмічны музычны тэатр па 15 студзеня знаходзіцца з гастролямі ў Туле, паведаміў карэспандэнту БЕЛТА мастацкі кіраўнік музтэатра Адам Мурзіч.

На гастролі выехала амаль уся трупа. У Тульскім акадэмічным тэатры драмы плануюць паказаць гледачам пяць вялікіх спектакляў, у тым ліку два дзіцячыя і вялікі заключны гала-канцэрт - музычнае шоу "Кінахіт".

На тульскай сцэне ўжо адбыліся два паказы музычнай камедыі "Нявеста з Імерэціі" Гіі Канчэлі. "Атрымаўся вельмі рэйтынгавы спектакль Міхаіла Кавальчыка (заслужаны дзеяч мастацтваў Расіі рэжысёр-пастаноўшчык Міхаіл Кавальчык. - Заўвага БЕЛТА). Я на кожным спектаклі (у Мінску. - Заўвага БЕЛТА) прысутнічаю, народу столькі, што яблыку няма дзе ўпасці. Нават у будныя дні і тое аншлаг. Музыка цудоўная, лібрэтысты шыкоўныя. Увогуле, добры спектакль і ён выдатна падыходзіць трупе", - сказаў Адам Мурзіч.

Музтэатр прадставіць у Тульскім тэатры драмы music-фарс "Прывітанне, я цётка Чарлі!" Аскара Фельцмана, мюзікл "Тры мушкецёры" Максіма Дунаеўскага, шоу-канцэрт для дзяцей і дарослых "Навагодняя перазамарозка". Напрыклад, у яркім музычным шоу "Навагодняя перазамарозка" галоўныя дзеючыя асобы - любімыя дзецьмі героі: Прынцэса і Трубадур, Бураціна, Мальвіна і П'еро, Забава і Ваня, Емеля і Мар'я-Царэўна. Яны выконваюць свае лепшыя музычныя нумары з любімых мультфільмаў і кінафільмаў. Сюжэт завязаны на тым, што ў Брэменскім каралеўстве Прынцэса і Трубадур арганізуюць навагодні баль на ўвесь свет, на які прыбывае і "каманда зла" на чале з Ледзяной Каралевай і Куды Кудакіным, якая задумвае пасварыць і замарозіць казачных персанажаў, каб украсці Новы год.

Адам Мурзіч адзначыў, што тульскі глядач бачыў ужо ўсе спектаклі з рэпертуару музтэатра. "Мы даўно да іх пачалі ездзіць. Кожны год у перыяд навагодніх і калядных свят выязджаем туды. Глядач нас любіць, заўсёды чакае. Заўсёды добра прымаюць. Авацый столькі, як дома на прэм'еры. У нас дружба з Тулай як ні з адным тэатрам. Мы ім родныя, а яны - нам", - адзначыў мастацкі кіраўнік. Ён дадаў, што некаторыя спектаклі музтэатра тульская публіка прасіла паўтарыць, напрыклад "Вяселле ў Малінаўцы" і "Шалом Алейхем! Мір вам, людзі!"-0-

Падпісвайцеся на нас у
Twitter
Топ-навіны
Свежыя навіны Беларусі