Сцяг Чацвер, 13 чэрвеня 2024
Усе навіны
Усе навіны
Культура
30 мая 2024, 09:01

"Пяць чалавек на месца". Больш за 470 заявак паступіла ўжо ў штаб валанцёраў "Славянскага базару"

Фота з архіва
Фота з архіва
30 мая, Віцебск /Кар. БЕЛТА/. Прыём заявак ад патэнцыяльных валанцёраў Міжнароднага фестывалю мастацтваў "Славянскі базар у Віцебску" прадаўжаецца, конкурс ужо складае пяць чалавек на месца. Аб гэтым карэспандэнту БЕЛТА паведаміла кіраўнік штаба валанцёраў дырэкцыі форуму Дар'я Багдановіч.

Жадаючыя стаць валанцёрамі на праекце ўжо прыслалі больш за 470 заявак. Геаграфія паклоннікаў форуму на гэты раз здзіўляе: акрамя Беларусі і Расіі, жыхары якіх дапамагаюць штогод, паступілі пісьмы з Венгрыі, Мексікі, Кувейта і Пакістана. Прыкладна 70 працэнтаў ад усіх саіскальнікаў - маладыя людзі ва ўзросце ад 18 да 22 гадоў.

"Конкурс сур'ёзны - пяць чалавек на месца. На самай справе вельмі шмат добрых заявак і ўжо складана зрабіць выбар. Патрабаванні ў кожнай службе фестывалю да валанцёраў свае, але дакладна гэта павінны быць адказныя, аператыўныя і не сарамлівыя людзі старэйшыя за 18 гадоў, - адзначыла Дар'я Багдановіч. - Новых задач для валанцёраў у плане работы ў бягучым годзе не ўводзіцца, але для іх упершыню рыхтуецца свая забаўляльная праграма".

Набраць у каманду плануюць каля сотні валанцёраў, як і ў мінулым годзе. Сярод "вакансій" - розныя пазіцыі ў службе харчавання, сустрэчы і адпраўкі, рэкламнай, адміністрацыйна-гаспадарчай, аператыўнай, а таксама ў прэс-цэнтры і на выставах. Кожны памочнік у выніку атрымае сертыфікат, які пацвярджае работу чалавека на форуме. Усе яго праекты добраахвотнікі змогуць наведаць бясплатна.

"Думаю, такі ажыятаж па валанцёрах у нас назіраецца, таму што "Славянскі базар" - міжнародны фестываль. Тут шмат гасцей з розных краін. І ўдзел у форуме амаль у любой якасці прадугледжвае новыя знаёмствы, новае бачанне фестывалю знутры, усяго гэтага вялікага механізма", - сказала на заканчэнне кіраўнік штаба.

Прыём заявак на валанцёрскія пазіцыі для работы на XXXIII Міжнародным фестывалі мастацтваў "Славянскі базар у Віцебску" прадоўжыцца да 3 чэрвеня.-0-
Падпісвайцеся на нас у
Twitter
Топ-навіны
Свежыя навіны Беларусі