ДЗЯРЖОРГАНЫДЗЯРЖОРГАНЫ
Флаг Нядзеля, 27 лістапада 2022
Мінск -2°C
Усе навіны
Усе навіны
Культура
30 верасня 2022, 09:12

Пічэтаўскія чытанні збяруць у Мінску больш за 120 вучоных і студэнтаў з Беларусі і Расіі

Фота з архіва
Фота з архіва

30 верасня, Мінск /Кар. БЕЛТА/. Больш за 120 вучоных і студэнтаў з Беларусі і Расіі выступяць на міжнароднай навукова-практычнай канферэнцыі "Пічэтаўскія чытанні - 2022: універсітэты і архівы як састаўныя элементы экалогіі культуры", якая пройдзе 30 верасня ў БДУ, паведамілі БЕЛТА ў ВНУ.

Сярод удзельнікаў прадстаўнікі БДУ, БНТУ, БДПУ імя М.Танка, Інстытута гісторыі НАН Беларусі, ГрДУ імя Янкі Купалы, МІТСО, МДУ імя М.В. Ламаносава, Цэнтра славяназнаўства Бранскага дзяржаўнага ўніверсітэта імя акадэміка І.Г. Пятроўскага, Інстытута ўсеагульнай гісторыі Расійскай акадэміі навук і інш.

Форум уключае работу сямі тэматычных секцый. Удзельнікі абмяркуюць актуальныя праблемы сучаснай гістарычнай навукі, адукацыі і гістарыяграфіі, традыцыі і інавацыі ў вывучэнні і выкладанні гісторыі Беларусі, разгледзяць сучасныя падыходы да гістарычнай рэканструкцыі і інш. Таксама тэмай для абмеркавання стане асоба першага рэктара БДУ Уладзіміра Пічэты, яго ўклад у станаўленне беларускай вышэйшай адукацыі. Асаблівую ўвагу гісторыкі ўдзеляць гістарычнай памяці, сучасным падыходам да яе рэканструкцыі. Вынікам работы стане публікацыя зборніка навуковых дакладаў.

Пічэтаўскія чытанні на ўніверсітэцкім узроўні праводзіліся з сярэдзіны 80-х гадоў мінулага стагоддзя. Міжнародны статус форум атрымаў у 2017 годзе і з таго часу арганізуецца рэгулярна з прыцягненнем вядучых гісторыкаў з розных краін. Арганізатарам канферэнцыі выступае гістарычны факультэт БДУ.

Мерапрыемства прымеркавана да 100-годдзя Дзяржаўнай архіўнай службы Беларусі і 30-годдзя кафедры крыніцазнаўства БДУ. Асноўнай праблематыкай форуму заяўлена гістарычнае асэнсаванне ролі ўніверсітэта ў развіцці айчыннай сістэмы вышэйшай адукацыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі