ДЗЯРЖОРГАНЫДЗЯРЖОРГАНЫ
Флаг Панядзелак, 17 студзеня 2022
Мінск -2°C
Усе навіны
Усе навіны
Культура
27 кастрычніка 2021, 13:23

Петрышэнка: "Славянскі базар у Віцебску" ў 2022 годзе плануецца правесці з 14 па 17 ліпеня

Ігар Петрышэнка
Ігар Петрышэнка

27 кастрычніка, Мінск /Кар. БЕЛТА/. Міжнародны фестываль мастацтваў "Славянскі базар у Віцебску" ў 2022 годзе плануецца правесці з 14 па 17 ліпеня. Аб гэтым паведаміў сёння журналістам намеснік прэм'ер-міністра Ігар Петрышэнка перад пасяджэннем арганізацыйнага камітэта па падрыхтоўцы і правядзенні гэтага мерапрыемства, перадае карэспандэнт БЕЛТА.

"Сёння адбудзецца пасяджэнне пастаянна дзеючага арганізацыйнага камітэта па правядзенні нашага міжнароднага брэндавага фестывалю "Славянскі базар у Віцебску", дзе мы падвядзём яго вынікі. Тры месяцы - гэта ўжо дастатковы перыяд часу, каб паглядзець, як мы спрацавалі ў творчым і фінансавым плане, а таксама з пункту гледжання змянення аблічча горада. Вядома ж, абмяркуем падрыхтоўку да чарговага фестывалю, які пройдзе ў 2022 годзе. Мы плануем, што прыблізныя даты яго правядзення будуць з 14 па 17 ліпеня", - расказаў Ігар Петрышэнка.

Намеснік прэм'ер-міністра паведаміў, што ў 2022 годзе акрамя традыцыйных мерапрыемстваў фестывалю вялікая ўвага будзе ўдзяляцца правядзенню музычных конкурсаў сярод маладых выканаўцаў і дзяцей. "У полі зроку будзе знаходзіцца грунтоўная падрыхтоўка нашых канкурсантаў, якія павінны прадстаўляць інтарэсы нашай краіны ў рамках гэтага міжнароднага конкурсу. У папярэднім фестывалі ўдзельнічалі прадстаўнікі 32 краін, гэта значыць, статус міжнароднага фестывалю абсалютна захоўваецца, мы нават прырастаем новымі краінамі. У мінулым фестывалі ўпершыню прымаў удзел Эквадор. Усіх, хто едзе да нас з добрымі намерамі і творчымі праектамі, мы з радасцю прымаем на "Славянскім базары", - падкрэсліў ён.

Важнейшым элементам таксама з'яўляецца падрыхтоўка інфраструктуры горада і новых праектаў для прыцягнення маладзёжнай аўдыторыі. "Сталыя традыцыі, сфарміраваныя жыццём і практыкай, павінны паступова перадавацца маладому пакаленню, а каб ім было сапраўды цікава, мы будзем рыхтаваць новыя праекты, каб кожны чалавек, кожны беларус знайшоў нешта цікавае для сябе ў рамках фестывалю мастацтваў "Славянскі базар у Віцебску". Вядома ж, мы будзем развіваць і праект "Саюзная дзяржава запрашае" - гэта наш беларуска-расійскі брэнд, які таксама будзе прырастаць новымі ідэямі", - адзначыў намеснік прэм'ер-міністра.

На яго думку, у канцэрце майстроў мастацтваў Рэспублікі Беларусь павінны з'яўляцца новыя імёны і артысты. "Вельмі важна, каб наша краіна, як магутная дзяржава, якая падтрымлівае сваё мастацтва, развівалася ў гэтым плане і далей, прырастала новымі падыходамі і ідэямі ў рамках "Славянскага базару", - падкрэсліў Ігар Петрышэнка.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі