Фота РТБД
6 снежня, Мінск /Кар. БЕЛТА/. Прэм'ерныя паказы спектакля "Заручыны" адбудуцца ў Рэспубліканскім тэатры беларускай драматургіі з 19 па 22 снежня, паведамілі БЕЛТА ва ўстанове культуры.
"Заручыны" - гэта дзве гісторыі і два спектаклі ў адзін вечар. Гледача чакае цэлы вечар гарадскіх камедый. Ён зможа акунуцца ў атмасферу Мінска канца XIX - пачатку XX стагоддзя. У цэнтры ўвагі - маладыя дзяўчаты, якія чакаюць свайго шчасця, хлопцы, для якіх шлюб - спосаб вырашыць асабістыя праблемы, і бацькі, якія безумоўна жадаюць найлепшага для сваіх дачок і клапоцяцца пра іх лёс.
Гратэск і сакавіты гумар, песні на вершы Янкі Купалы, цудоўныя сюжэты і персанажы, яркія пластыка і харэаграфія - усё дзеля шчаслівага выбару двух маладых.
Рэжысёр-пастаноўшчык Святлана Навуменка адзначыла, што гэтым праектам яны імкнуцца звярнуць увагу тэатральнай публікі на нацыянальную беларускую драматургію, асабліва аднаактовыя п'есы, якія незаслужана адышлі ў цень.
"Мы хочам, каб кожны глядач з першых хвілін знаходжання ў тэатры адчуў сябе мінчанінам таго часу. У спектаклі - аўтэнтычныя тэксты, пластыка, шмат вакалу, а яшчэ ў камедыях працуюць самыя маладыя акцёры тэатра разам з вопытнымі майстрамі сцэны", - сказала рэжысёр.-0-
"Заручыны" - гэта дзве гісторыі і два спектаклі ў адзін вечар. Гледача чакае цэлы вечар гарадскіх камедый. Ён зможа акунуцца ў атмасферу Мінска канца XIX - пачатку XX стагоддзя. У цэнтры ўвагі - маладыя дзяўчаты, якія чакаюць свайго шчасця, хлопцы, для якіх шлюб - спосаб вырашыць асабістыя праблемы, і бацькі, якія безумоўна жадаюць найлепшага для сваіх дачок і клапоцяцца пра іх лёс.
Гратэск і сакавіты гумар, песні на вершы Янкі Купалы, цудоўныя сюжэты і персанажы, яркія пластыка і харэаграфія - усё дзеля шчаслівага выбару двух маладых.
Рэжысёр-пастаноўшчык Святлана Навуменка адзначыла, што гэтым праектам яны імкнуцца звярнуць увагу тэатральнай публікі на нацыянальную беларускую драматургію, асабліва аднаактовыя п'есы, якія незаслужана адышлі ў цень.
"Мы хочам, каб кожны глядач з першых хвілін знаходжання ў тэатры адчуў сябе мінчанінам таго часу. У спектаклі - аўтэнтычныя тэксты, пластыка, шмат вакалу, а яшчэ ў камедыях працуюць самыя маладыя акцёры тэатра разам з вопытнымі майстрамі сцэны", - сказала рэжысёр.-0-
Падпісвайцеся на нас у
