ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Воблачна з праясненнямі +19°C
Усе навіны
Усе навіны
Культура
12 мая 2020, 10:42

Памятны медаль у гонар Кірылы Тураўскага прэзентавалі ў Гомельскай вобласці

Ілюстрацыя  gp.by
Ілюстрацыя gp.by

12 мая, Гомель /Кар. БЕЛТА/. Памятны медаль "Кірыла Тураўскі. Асветнік. За ўклад у літаратуру" ў гонар беларускага і агульнаславянскага асветніка і паэта Кірылы Тураўскага прэзентавалі анлайн у Гомельскім абласным аддзяленні Саюза пісьменнікаў Беларусі, паведаміў БЕЛТА старшыня абласнога аддзялення Уладзімір Гаўрыловіч, які стаў ініцыятарам стварэння медаля.

Медалём мяркуецца ўзнагароджваць пісьменнікаў, дзеячаў культуры і мастацтва Беларусі, іншых славянскіх краін за ўклад у мастацкую літаратуру, мастацтва, кнігавыданне, культурна-асветную дзейнасць. "Узнагароды могуць быць удастоены і тыя, хто актыўна выступае за папулярызацыю творчасці беларускага і агульнаславянскага свяціцеля і паэта Кірылы Тураўскага, класікаў і сучасных аўтараў як у Беларусі, так і за мяжой", - дадалі ў абласным аддзяленні саюза. Сярод патэнцыяльных уладальнікаў медаля таксама прадстаўнікі іншых літаратурных творчых аб'яднанняў (айчынных і замежных), грамадскія і культурныя дзеячы, а таксама ў цэлым арганізацыі і прадпрыемствы - грамадскія і дзяржаўныя.

Медаль серабрыстага колеру, мае форму правільнага круга дыяметрам 32 мм. На аверсе размешчаны рэльефная выява Кірылы Тураўскага і тры надпісы на беларускай мове: "Гомельскае абласное аддзяленне ГА "Саюз пісьменнікаў Беларусі", "Кірыла Тураўскі. Асветнік"; "За ўклад у літаратуру". На рэверсе медаля - парадкавы нумар. "Памятны медаль злучаецца з калодкай з адлюстраваннем беларускага нацыянальнага арнаменту, абцягнутай зялёнай і чырвонай стужкай", - расказалі ў аддзяленні. Адначасова ўручаецца пасведчанне ўстаноўленага ўзору.

Першае ўручэнне гэтага знака ўзнагароды запланавана ў час адкрыцця II Фестывалю-свята "На зямлі К.Тураўскага" і XV Міжнароднага фестывалю-свята "Славянскія літаратурныя дажынкі-2020", якія пройдуць у Гомельскай вобласці ў пачатку восені. Узнагарода заснавана ў гонар 15-годдзя абласнога аддзялення СПБ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі