фота з архіва
5 сакавіка, Мінск /Кар. БЕЛТА/. У Нацыянальнай бібліятэцы Беларусі адкрылася выстава-віншаванне "Палітра вясны", прымеркаваная да Дня жанчын, перадае карэспандэнт БЕЛТА.
"Палітра вясны" - гэта традыцыйная вясенняя выстава, якую мы адкрываем ужо 20 гадоў. Вопыт папярэдніх выстаў паказаў, што нашы гледачы і чытачы вельмі чакаюць такія праекты. І вось ужо сёмы год мы адкрываем выставу менавіта пад назвай "Палітра вясны", - расказала загадчыца сектара мастацкіх выстаў Нацыянальнай бібліятэкі Вікторыя Харытонава.
Яна падкрэсліла, што ў гэтым годзе, аб'яўленым Годам беларускай жанчыны, у экспазіцыі прымаюць удзел выключна мастачкі. "Яны дзеляцца сваім поглядам на вясну. Гэта не толькі кветкавыя нацюрморты і абстракцыі, як гэта было раней, але і ўсе вобразы, звязаныя з прадчуваннем, чаканнем і прыходам вясны. У выставе прадстаўлены работы больш як 65 аўтараў, якія працуюць у самых розных тэхніках: графіка, жывапіс, дэкаратыўнае мастацтва, акварэль", - адзначыла Вікторыя Харытонава.
Сярод удзельнікаў - члены Беларускага саюза мастакоў, навучэнцы мастацкіх ВНУ, прадстаўнікі Еўразійскай мастацкай садружнасці і арт-студыі "Аквавір". "Мы хочам павіншаваць нашых гледачоў, наведвальніц і аўтараў з надыходам вясны і з Днём жанчын, пажадаць усяго найлепшага. Спадзяёмся, што кожны знойдзе сабе на выставе "букет" даспадобы", - дадала загадчыца сектара.
Выстава будзе адкрыта да 8 чэрвеня. Дата заканчэння работы экспазіцыі можа быць зменена.-0-
"Палітра вясны" - гэта традыцыйная вясенняя выстава, якую мы адкрываем ужо 20 гадоў. Вопыт папярэдніх выстаў паказаў, што нашы гледачы і чытачы вельмі чакаюць такія праекты. І вось ужо сёмы год мы адкрываем выставу менавіта пад назвай "Палітра вясны", - расказала загадчыца сектара мастацкіх выстаў Нацыянальнай бібліятэкі Вікторыя Харытонава.
Яна падкрэсліла, што ў гэтым годзе, аб'яўленым Годам беларускай жанчыны, у экспазіцыі прымаюць удзел выключна мастачкі. "Яны дзеляцца сваім поглядам на вясну. Гэта не толькі кветкавыя нацюрморты і абстракцыі, як гэта было раней, але і ўсе вобразы, звязаныя з прадчуваннем, чаканнем і прыходам вясны. У выставе прадстаўлены работы больш як 65 аўтараў, якія працуюць у самых розных тэхніках: графіка, жывапіс, дэкаратыўнае мастацтва, акварэль", - адзначыла Вікторыя Харытонава.
Сярод удзельнікаў - члены Беларускага саюза мастакоў, навучэнцы мастацкіх ВНУ, прадстаўнікі Еўразійскай мастацкай садружнасці і арт-студыі "Аквавір". "Мы хочам павіншаваць нашых гледачоў, наведвальніц і аўтараў з надыходам вясны і з Днём жанчын, пажадаць усяго найлепшага. Спадзяёмся, што кожны знойдзе сабе на выставе "букет" даспадобы", - дадала загадчыца сектара.
Выстава будзе адкрыта да 8 чэрвеня. Дата заканчэння работы экспазіцыі можа быць зменена.-0-
Падпісвайцеся на нас у
