Мабільная версія
ДЗЯРЖОРГАНЫ

Апошнія навіны
Усе навіны

Палескі драмтэатр прадставіць прэм'еру паводле п'есы Аляксандра Астроўскага

Культура 06.08.2019 | 09:47
Палескі драматычны тэатр. Фота з архіва
Палескі драматычны тэатр. Фота з архіва

6 жніўня, Брэст /Кар. БЕЛТА/. Палескі драматычны тэатр у жніўні пакажа прэм'еру спектакля "Шалёныя грошы", паведаміў карэспандэнту БЕЛТА дырэктар - мастацкі кіраўнік тэатра Аляксандр Лукашэнка.

Рэпертуар тэатра ў 14-м сезоне папоўніць камедыя ў двух дзеях паводле п'есы вядомага драматурга Аляксандра Астроўскага. Класік высмейвае людзей, гатовых на любы ўчынак дзеля грошай. Закранутая ім тэма не страчвае сваёй актуальнасці і ў нашы дні. Пастаноўку спектакля ажыццявіў запрошаны рэжысёр Раман Гапанюк, першы паказ адбудзецца 11 жніўня. "Асноўная работа над спектаклем была праведзена да водпуску, цяпер ужо ідуць апошнія падрыхтоўкі. Сюжэт "Шалёных грошай" застанецца класічным, будзе перададзена атмасфера XIX стагоддзя", - адзначыў мастацкі кіраўнік.

Трупа тэатра выйшла з водпуску 5 жніўня і адразу пачала праводзіць рэпетыцыі. Ужо 10 жніўня адбудзецца адкрыццё новага сезона. У гэты дзень у Палескім драмтэатры пакажуць "Чорную панну Нясвіжа". Гэта містычная легенда на пінскай сцэне стала адным са спектакляў-доўгажыхароў.

На працягу бягучага сезона пінскія артысты парадуюць гледачоў, як ужо любімымі спектаклямі, так і 7-8 прэм'ерамі, як мінімум палова з іх будзе для дзяцей. У прыватнасці, у самым разгары падрыхтоўка аўтарскай пастаноўкі рэжысёра Паўла Марыніча "Няхай спыніцца вайна" (рабочая назва). Спектакль прысвечаны 75-годдзю вызвалення Пінска і юбілею Вялікай Перамогі. Першы паказ чакаецца ў канцы верасня.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.