Фота nchtdm.by
28 кастрычніка, Мінск /Кар. БЕЛТА/. У Мінску адбылася цырымонія адкрыцця Х Адкрытага міжнароднага фестывалю-конкурсу "Творчасць без межаў", перадае карэспандэнт БЕЛТА.
"Сёння, першы дзень канікулаў, мы адкрываем міжнародны фестываль-конкурс "Творчасць без межаў" дзясяты раз. Вельмі прыемна, што ён збірае творчую моладзь не толькі з Беларусі, але і з іншых краін. У нас ёсць госці з Расіі, Узбекістана, Азербайджана. Кыргызстан удзельнічае дыстанцыйна. У бягучым годзе ў фестывалі-конкурсе прымае ўдзел 356 калектываў і індывідуальных выканаўцаў. Гэта каля 6 тыс. таленавітых юнакоў і дзяўчат, у якіх ёсць магчымасць паказаць сваю творчасць, расказаць усяму свету, якія яны таленавітыя, а самае галоўнае - прадэманстраваць, што наша моладзь мае падтрымку з боку дзяржавы, іх таленты і творчасць развіваюцца ў імя нашай краіны", - сказала намеснік міністра адукацыі Кацярына Пятруцкая.
Паводле яе слоў, удзел у конкурсе дазваляе не толькі прадэманстраваць свае высокія дасягненні ў харэаграфічнай, вакальнай, інструментальнай творчасці, але і мець магчымасць быць прызнанымі, пачутымі і падзяліцца сваёй творчасцю.
Дырэктар Нацыянальнага цэнтра мастацкай творчасці дзяцей і моладзі Надзея Васільчанка адзначыла, што за гады існавання фестывалю ў ім прынялі ўдзел больш за 40 тыс. дзяцей на нашай пляцоўцы. Тэатралы выступаюць у сакавіку, а ў перыяд асенніх канікулаў сваю творчасць паказваюць танцоры, вакалісты, інструменталісты.
"Вельмі важна, што мы можам азнаёміцца з лепшымі ўзорамі культуры і мастацтва розных краін, а нашы дзеці могуць пасябраваць", - дадала яна.
"Усе члены журы - вядомыя людзі і знакамітыя артысты. Сёння старшынёй журы выступае народны артыст Валянцін Дудкевіч. Здорава, што да дзяцей сталі прыходзіць майстры мастацтваў, нашы заслужаныя людзі ў розных галінах мастацтва. Вельмі важна, калі яны могуць ацаніць работы моладзі і даць ім пэўныя кансультацыі", - падкрэсліла Надзея Васільчанка.
Удзельнікі з Цэнтра развіцця дзяцей і моладзі нумар 3 (Баку) даўно супрацоўнічаюць з Нацыянальным цэнтрам мастацкай творчасці дзяцей і моладзі. "Мы вельмі рады, што прыехалі ў Мінск. Сюды мы прывезлі два народныя танцы: святочны і вясёлы. Асаблівасць нашых танцаў у тым, што ў іх адчуваецца нацыянальны азербайджанскі каларыт. Адна кампазіцыя ўключае музыку нашага народнага кампазітара Узеіра Гаджыбекава", - расказала харэограф Лала Ібрагімава.
"У нашым калектыве школьнікі ва ўзросце ад 10 да 14 гадоў, якія каля 6-7 гадоў займаюцца ў нашым цэнтры ў Баку. Мы выйгравалі Гран-пры з іншым складам, але былі рады вярнуцца сюды з хлопцамі і дзяўчатамі, якія да гэтага не былі ў Беларусі", - рэзюмавала Лала Ібрагімава.-0-
"Сёння, першы дзень канікулаў, мы адкрываем міжнародны фестываль-конкурс "Творчасць без межаў" дзясяты раз. Вельмі прыемна, што ён збірае творчую моладзь не толькі з Беларусі, але і з іншых краін. У нас ёсць госці з Расіі, Узбекістана, Азербайджана. Кыргызстан удзельнічае дыстанцыйна. У бягучым годзе ў фестывалі-конкурсе прымае ўдзел 356 калектываў і індывідуальных выканаўцаў. Гэта каля 6 тыс. таленавітых юнакоў і дзяўчат, у якіх ёсць магчымасць паказаць сваю творчасць, расказаць усяму свету, якія яны таленавітыя, а самае галоўнае - прадэманстраваць, што наша моладзь мае падтрымку з боку дзяржавы, іх таленты і творчасць развіваюцца ў імя нашай краіны", - сказала намеснік міністра адукацыі Кацярына Пятруцкая.
Паводле яе слоў, удзел у конкурсе дазваляе не толькі прадэманстраваць свае высокія дасягненні ў харэаграфічнай, вакальнай, інструментальнай творчасці, але і мець магчымасць быць прызнанымі, пачутымі і падзяліцца сваёй творчасцю.
Дырэктар Нацыянальнага цэнтра мастацкай творчасці дзяцей і моладзі Надзея Васільчанка адзначыла, што за гады існавання фестывалю ў ім прынялі ўдзел больш за 40 тыс. дзяцей на нашай пляцоўцы. Тэатралы выступаюць у сакавіку, а ў перыяд асенніх канікулаў сваю творчасць паказваюць танцоры, вакалісты, інструменталісты.
"Вельмі важна, што мы можам азнаёміцца з лепшымі ўзорамі культуры і мастацтва розных краін, а нашы дзеці могуць пасябраваць", - дадала яна.
"Усе члены журы - вядомыя людзі і знакамітыя артысты. Сёння старшынёй журы выступае народны артыст Валянцін Дудкевіч. Здорава, што да дзяцей сталі прыходзіць майстры мастацтваў, нашы заслужаныя людзі ў розных галінах мастацтва. Вельмі важна, калі яны могуць ацаніць работы моладзі і даць ім пэўныя кансультацыі", - падкрэсліла Надзея Васільчанка.
Удзельнікі з Цэнтра развіцця дзяцей і моладзі нумар 3 (Баку) даўно супрацоўнічаюць з Нацыянальным цэнтрам мастацкай творчасці дзяцей і моладзі. "Мы вельмі рады, што прыехалі ў Мінск. Сюды мы прывезлі два народныя танцы: святочны і вясёлы. Асаблівасць нашых танцаў у тым, што ў іх адчуваецца нацыянальны азербайджанскі каларыт. Адна кампазіцыя ўключае музыку нашага народнага кампазітара Узеіра Гаджыбекава", - расказала харэограф Лала Ібрагімава.
"У нашым калектыве школьнікі ва ўзросце ад 10 да 14 гадоў, якія каля 6-7 гадоў займаюцца ў нашым цэнтры ў Баку. Мы выйгравалі Гран-пры з іншым складам, але былі рады вярнуцца сюды з хлопцамі і дзяўчатамі, якія да гэтага не былі ў Беларусі", - рэзюмавала Лала Ібрагімава.-0-
Падпісвайцеся на нас у
