ДЗЯРЖОРГАНЫДЗЯРЖОРГАНЫ
Флаг Субота, 2 ліпеня 2022
Мінск Суцэльная воблачнасць +27°C
Усе навіны
Усе навіны
Культура
11 красавіка 2022, 19:15

Новым кіраўніком Тэатра юнага гледача стала заслужаная артыстка Беларусі Вера Палякова-Макей

Вера Палякова-Макей. Фота з архіва
Вера Палякова-Макей. Фота з архіва

11 красавіка, Мінск /Кар. БЕЛТА/. Новым кіраўніком Тэатра юнага гледача стала заслужаная артыстка Беларусі Вера Палякова-Макей, паведамілі БЕЛТА ва ўпраўленні культуры Мінгарвыканкама.

Сёння начальнік упраўлення культуры Мінгарвыканкама Віталь Брэль прадставіў калектыву новага кіраўніка. "У адкрытай сяброўскай атмасферы Вера Аляксандраўна расказала аб сваім бачанні далейшай дзейнасці тэатра, бліжэйшых гастрольных паездках і новых творчых праектах тэатра", - адзначылі ў прэс-службе Мінгарвыканкама.

Вера Палякова-Макей скончыла Беларускую дзяржаўную акадэмію мастацтваў, Акадэмію кіравання пры Прэзідэнце Рэспублікі Беларусь. З 2001 года - вядучая актрыса Тэатра-студыі кінаакцёра пры Нацыянальнай кінастудыі "Беларусьфільм". Тэлевядучая праграм Беларускага тэлебачання. З 2012 года была мастацкім кіраўніком тэатральнага праекта "ТрыТфармаТ". Член Беларускага саюза тэатральных дзеячаў і Беларускага саюза кінематаграфістаў.

Прызёр і лаўрэат міжнародных тэатральных і кінафестываляў. Адзначана рознымі дзяржаўнымі ўзнагародамі, у тым ліку медалём імя Ф.Скарыны, ганаровым званнем "Заслужаны артыст Рэспублікі Беларусь" (2022 год).-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі