Сцяг Чацвер, 28 сакавіка 2024
Усе навіны
Усе навіны
Культура
30 ліпеня 2019, 19:55

Новы фестываль можа з'явіцца ў Віцебску

30 ліпеня, Віцебск /Андрэй Шчарбіцкі - БЕЛТА/. Новы фестываль можа з'явіцца ў Віцебску ў студзені 2020 года, паведаміў на прэс-канферэнцыі генеральны дырэктар Цэнтра культуры "Віцебск" і дырэктар "Славянскага базару" Глеб Лапіцкі, перадае карэспандэнт БЕЛТА.

Цэнтр культуры "Віцебск" плануе ў студзені, пасля Каляд, правесці новы фестываль. "Гэты зімовы праект будзе больш нацэлены на конкурс, чым на гасцявую праграму. Тым не менш ён дасць нам паток турыстаў і магчымасць загадзя паглядзець калектывы, якія потым могуць прыехаць на "Славянскі базар". Можна сказаць, што гэта своеасаблівы кваліфікацыйны конкурс для ўдзелу ў фестывалі не толькі з боку канкурсантаў, але і розных танцавальных калектываў. Іх мы шукаем у рэжыме нон-стоп увесь год для абрамлення ўсіх выступленняў форуму", - адзначыў Глеб Лапіцкі.

Фестываль "Славянскі базар у Віцебску" ў бягучым годзе прайшоў з 8 па 17 ліпеня. У дні форуму адбылося больш як 160 мерапрыемстваў, якія наведалі больш за 300 тыс. чалавек. Было прададзена 72 тыс. білетаў.-0-

Падпісвайцеся на нас у
Twitter
Топ-навіны
Свежыя навіны Беларусі