Сцяг Чацвер, 18 ліпеня 2024
Усе навіны
Усе навіны
Культура
22 снежня 2022, 10:38

"Новаму году - новыя зоркі": Дзяржаўны камерны аркестр выступіць у Белдзяржфілармоніі

22 снежня, Мінск /Кар. БЕЛТА/. Дзяржаўны камерны аркестр Беларусі прадставіць 28 снежня канцэрт "Новаму году - новыя зоркі", прысвечаны 90-годдзю з дня нараджэння Роберта Бушкова, у вялікай канцэртнай зале Беларускай дзяржаўнай філармоніі, паведамілі БЕЛТА ва ўстанове.

"Праграма поўная сюрпрызаў і феерычнага бляску. Святочны настрой створаць творы П.Чайкоўскага, І.Штрауса, С.Барбера, Л.Андэрсана", - адзначылі арганізатары.

Упершыню ў Мінску выступіць незвычайна адораны юны музыкант, вучань Цэнтральнай музычнай школы - Акадэміі выканальніцкага мастацтва Яраслаў Дончанка (клас народнага артыста СССР прафесара Э.Д.Грача). У выкананні 11-гадовага скрыпача прагучыць віртуозны Другі канцэрт Г.Вяняўскага.

Таксама ў канцэрце прымуць удзел узыходзячыя зоркі - Марыя Булда (Беларусь, сапрана) і Мішэль Бушкова (Расія, арган). Дырыжорам выступіць Яўген Бушкоў.

Пачатак канцэртнай праграмы ў 19.00.-0-

Падпісвайцеся на нас у
Twitter
Топ-навіны
Свежыя навіны Беларусі