14 сакавіка, Мінск /Кар. БЕЛТА/. Нацыянальны акадэмічны канцэртны аркестр Беларусі прадставіць прэм'еры трох сваіх канцэртаў у Белдзяржфілармоніі. Аб гэтым паведамілі БЕЛТА ва ўстанове культуры.
Аркестр арганізоўвае XV Мастацкі праект, тым самым прадаўжае традыцыі, закладзеныя народным артыстам Беларусі Міхаілам Фінбергам.
У праграме запланаваны прэм'еры трох канцэртаў. 23 сакавіка пройдзе канцэрт "Любімыя песні маэстра", на наступны дзень запланавана правядзенне канцэрта, прысвечанага 100-годдзю з дня нараджэння народнага артыста СССР Арно Бабаджаняна "Масты кахання", і на 25 сакавіка падрыхтавана праграма "Вясна джаз".
Пачатак у 19.00. Уваход па запрашальных білетах, якія можна набыць у офісе аркестра.-0-
