Мабільная версія
ДЗЯРЖОРГАНЫ

Апошнія навіны
Усе навіны

Нацыянальны гістарычны музей пакажа выгляд беларусаў X-XII стагоддзяў

Культура 14.05.2019 | 16:23

14 мая, Мінск /Кар. БЕЛТА/. Экспазіцыя "Позірк з глыбіні стагоддзяў", прысвечаная навуковай дзейнасці выдатнага беларускага антраполага Ігара Чаквіна, адкрыецца ў Нацыянальным гістарычным музеі Беларусі 16 мая, паведаміла карэспандэнту БЕЛТА навуковы супрацоўнік экспазіцыйнага аддзела музея Данута Грынь.

На выстаўцы будуць прадстаўлены больш за 50 экспанатаў: бюсты, асабістыя рэчы Ігара Чаквіна, кнігі па этнаграфіі і гісторыі з калекцый Нацыянальнага гістарычнага музея, Інстытута гісторыі НАН, Гісторыка-культурнага музея-запаведніка "Заслаўе" і Талачынскага гісторыка-краязнаўчага музея.

"Мы пакажам 11 бюстаў - рэканструкцый чэрапа беларусаў X-XII стагоддзяў, выкананых сумесна Ігарам Чаквіным і скульптарам Леанідам Яшэнкам, - адзначыла навуковы супрацоўнік музея. - Таксама будзе некалькі работ самога Леаніда Яшэнкі. Аддзел антрапалогіі Інстытута гісторыі Нацыянальнай акадэміі навук Беларусі прадставіць асабістыя рэчы Ігара Чаквіна, напрыклад, графічныя замалёўкі. Акрамя таго, будуць прадэманстраваны прадметы з калекцыі нашага музея: скроневыя кольцы, каралі, гаршкі і іншае".

Данута Грынь падкрэсліла, што антрапалагічная рэканструкцыя выгляду на краніялагічнай аснове, або ўзнаўленне твару па чэрапе, ля вытокаў якой у Беларусі стаяў Ігар Чаквін, з'яўляецца адным з прыкладных метадаў антрапалогіі. Гэты метад дае магчымасць узнавіць выгляд чалавека па знешніх даных чэрапа - рэльефе, структуры і інш. Гэта робіць магчымым праводзіць параўнанне фізічнага тыпу людзей, якія жылі ў розныя эпохі.

"Праект "Погляд з глыбіні стагоддзяў" з'яўляецца адным з рэдкіх выставачных праектаў у нашай краіне, якія асвятляюць антрапалагічную тэматыку. Прадстаўленыя бюсты з'яўляюцца вынікам рэканструкцыі выгляду як мастацтва, навукі і рамяства. Углядаючыся ў твары мінулага, кожны з наведвальнікаў знойдзе сучаснае", - сказала навуковы супрацоўнік музея.

Ігар Чаквін (1954-2012) унёс неацэнны ўклад у развіццё беларускай антрапалогіі, этналогіі і гісторыі, правёўшы шматлікія даследаванні па этнічнай гісторыі беларусаў і іншых славянскіх народаў, праславіўся як аўтар антрапалагічных рэканструкцый фізічнага выгляду жыхароў Беларусі X-XVIII стагоддзяў.

Выстаўка будзе працаваць па 2 чэрвеня.-0-

Версія для друку
Навіны рубрыкі Культура
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзень маці У Беларусі штогод адзначаецца Дзень маці 14 кастрычніка. На пачатак 2019 года колькасць жанчын у краіне склала 5 059,4 тыс. (53,4% ад агульнай колькасці насельніцтва).