6 красавіка, Мінск /Кар. БЕЛТА/. Нацыянальная бібліятэка Беларусі запрашае 21 красавіка на міжнародную акцыю ў падтрымку чытання "Бібліяноч-2023", уваход на мерапрыемства свабодны, паведамілі БЕЛТА ў НББ.
Акцыя прымеркавана да Сусветнага дня кнігі і аўтарскага права, у гонар якога кожны год бібліятэкі пашыраюць час, фармат работы і арганізуюць кніжныя выстаўкі, публічныя чытанні, акцыі і іншыя культурныя мерапрыемствы.
"У праграме "Бібліяночы-2023" мноства тэматычных пляцовак для дарослых і дзяцей. Гасцей, як заўсёды, парадуюць розныя актыўнасці - гэта і майстар-класы, і гульні, і творчыя сустрэчы з пісьменнікамі і іншыя забавы. Навіны будуць размешчаны на афіцыйных сайтах бібліятэк і на старонках у сацыяльных сетках", - праінфармавалі ў НББ.
Міжнародная акцыя ў падтрымку чытання "Бібліяноч" праходзіць штогод. У гэтым годзе ўдзел у ёй прымаюць шэсць сталічных бібліятэк і дзевяць бібліятэк і бібліятэчных сетак Гродзенскай і Магілёўскай абласцей. Пачатак у 19.00.-0-
