2 мая, Гомель /Кар. БЕЛТА/. Канцэрт народнага артыста Беларусі, прафесара Беларускай дзяржаўнай акадэміі музыкі Ігара Алоўнікава пройдзе 4 мая ў Гомелі ў палацы Румянцавых і Паскевічаў, паведамілі БЕЛТА ў Гомельскім палацава-паркавым ансамблі.
У Белай гасцінай палаца будуць гучаць творы Глінкі, Чайкоўскага, Рахманінава, Свірыдава і іншых кампазітараў. Выступленне піяніста будзе суправаджацца і яго каментарыямі да кампазіцый, шчырай і займальнай размовай з гледачамі.
Арганізатары адзначылі: піяніста вызначаюць высокі прафесіяналізм, віртуознае майстэрства, тонкае пачуццё стылю і артыстызм. "Яго індывідуальны піяністычны стыль вызначаюць віртуозная выканальніцкая тэхніка, яркая вобразнасць музычнага мыслення, строгая архітэктоніка формы і мяккая манера інтанавання", - падкрэслілі ў палацы.
Пачнецца канцэрт у Гомелі ў 19.00.-0-
