ДЗЯРЖОРГАНЫДЗЯРЖОРГАНЫ
Флаг Пятніца, 7 кастрычніка 2022
Мінск Ясна +7°C
Усе навіны
Усе навіны
Культура
15 ліпеня 2022, 16:22

На "Славянскім базары" назвалі пераможцаў дзіцячага музычнага конкурсу

Елісей Касіч
Елісей Касіч

15 ліпеня, Віцебск /Кар. БЕЛТА/. Цырымонія ўзнагароджання і гала-канцэрт удзельнікаў юбілейнага XX Міжнароднага дзіцячага музычнага конкурсу "Віцебск" праходзяць на "Славянскім базары", перадае карэспандэнт БЕЛТА.

Юнаму беларускаму артысту Елісею Касічу ўручылі Гран-пры конкурсу. А галоўны прыз - "Ліру" - ён атрымаў напярэдадні з рук Прэзідэнта Аляксандра Лукашэнкі на адкрыцці "Славянскага базару".

Расіянка Юлія Гаўрылава стала ўладальнікам дыплома першай ступені. Другую прэмію павязуць у Казахстан і Узбекістан Алінур Хамзін і Фірдаўс Авезаў. Ну а трэцяй прэміяй адзначаны балгарка Жаклін Кастадзінава і мексіканец Радрыга Віегас.

Парламенцкі сход Саюза Беларусі і Расіі, пры падтрымцы якога праводзіцца васільковы фестываль "Славянскі базар", заснаваў спецыяльныя прызы для ўдзельнікаў конкурсу. Імі адзначылі беларуса Елісея Касіча і расіянку Юлію Гаўрылаву.

Член журы міжнароднага конкурсу Ладзіслаў Бубнар падрыхтаваў для ўдзельнікаў свой сюрпрыз. Ён выбраў трох юных выканаўцаў, для якіх напіша песні і здыме кліпы. Праўда, са сцэны гэтыя імёны на публіцы не прагучалі - іх абяцалі назваць толькі за кулісамі.

Некаторыя канкурсанты атрымалі спецыяльныя прызы ад прадпрыемстваў, кожнаму з іх уручылі падарункі ў гонар 20-годдзя самай масавай маладзёжнай арганізацыі Беларусі - БРСМ. Спецпрыз ад саюза моладзі атрымаў Елісей Касіч.

У XX Міжнародным дзіцячым музычным конкурсе прынялі ўдзел 15 артыстаў. Вакальная барацьба па традыцыі прадаўжалася два дні. Цырымонія ўзнагароджання і гала-канцэрт XX Міжнароднага дзіцячага музычнага конкурсу адбылася ў канцэртнай зале "Віцебск".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі