23 сакавіка, Мінск /Кар. БЕЛТА/. ХXIX Мінская міжнародная кніжная выстаўка-кірмаш "Рака часу Бацькаўшчыны" адкрылася ў Мінску ў выставачным цэнтры "БелЭкспа", перадае карэспандэнт БЕЛТА.
"Не ва ўсіх краінах праходзяць кніжныя выстаўкі-кірмашы. Гэта звязана з пандэміяй, якая яшчэ прадаўжаецца, таксама гэта звязана з пэўнымі лагістычнымі цяжкасцямі, - адзначыў міністр інфармацыі Уладзімір Пярцоў. - Але, як мы з вамі можам назіраць, выстаўка патрэбна, яна запатрабавана ў першую чаргу ў чытачоў, якія любяць кнігу, якія шукаюць кнігу".
Міністр інфармацыі расказаў, што ў мінулым годзе ў нашай краіне была выпушчана рэкордная колькасць кніг, практычна 22 млн экзэмпляраў.
"Людзі маюць патрэбу ў кнігах, у такіх выстаўках, на якія могуць прыехаць выдавецтвы, у тым ліку і з-за мяжы. У нас сёння прадстаўлены 12 замежных дзяржаў і 222 удзельнікі з гэтых краін з зусім рознымі кнігамі, яны тут могуць знайсці свайго чытача, а чытач сваю кнігу", - сказаў Уладзімір Пярцоў.-0-
