ДЗЯРЖОРГАНЫДЗЯРЖОРГАНЫ
Флаг Пятніца, 9 снежня 2022
Мінск -3°C
Усе навіны
Усе навіны
Культура
24 лютага 2022, 09:50

Музычная праграма Белдзяржфілармоніі "Снег ідзе" прагучыць у галерэі Савіцкага 25 лютага

Фота з архіва
Фота з архіва

24 лютага, Мінск /Аляксандра Сівакова - БЕЛТА/. Музычную праграму "Снег ідзе" прадставяць 25 лютага ў Мастацкай галерэі Міхаіла Савіцкага. Мерапрыемства адбудзецца падчас выставы жывапісу "Міхаіл Савіцкі. Спадчына", прысвечанай 100-годдзю з дня нараджэння народнага мастака Беларусі. Аб гэтым паведамілі БЕЛТА ва ўстанове культуры.

"У праграме музыка і паэзія дапаўняюць адна адну і знаходзяцца ў дзіўным узаемадзеянні. Паэтычныя радкі перарастаюць у цудоўную музыку, якая дорыць адчуванне сапраўднай гармоніі", - расказалі ў галерэі.

У выкананні піяністкі і мастацкага кіраўніка "Музычнай гасцёўні" Таццяны Старчанка прагучаць вершы рускіх паэтаў Барыса Пастэрнака, Давіда Самойлава і Іосіфа Бродскага. Госці вечара змогуць атрымаць асалоду ад твораў Іагана Баха, Фрыдэрыка Шапэна, Іаганеса Брамса, Эдварда Грыга, Яна Сібеліуса і Франца Шуберта. Іх дапоўніць чароўнае гучанне флейты саліста Белдзяржфіламорніі Яўгена Віданава.

"Уменне лёгка пераходзіць ад выканання музыкі да чытання вершаў само па сабе вялікая рэдкасць. Валоданне гэтым майстэрствам дае Таццяне Старчанка магчымасць стварыць на канцэрце асаблівую атмасферу, узнёслую і натхнёную", - дадалі арганізатары.

Пачатак музычнай праграмы ў 19.00.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі