Сцяг Пятніца, 29 сакавіка 2024
Усе навіны
Усе навіны
Культура
21 красавіка 2020, 09:51

Музей Беларускага Палесся падрыхтаваў выставу "Дарога да Перамогі"

21 красавіка, Брэст /Кар. БЕЛТА/. У Пінску Музей Беларускага Палесся прэзентаваў выставу, прысвечаную 75-годдзю Вялікай Перамогі, паведаміў карэспандэнту БЕЛТА старшы навуковы супрацоўнік музея Аляксандр Аржахоўскі.

Выстава, якая разгарнулася на другім паверсе музея, атрымала назву "Дарога да Перамогі". На ёй дэманструецца каля 200 экспанатаў. Сцены ператварыліся ў фотагалерэю партызанскай славы: на здымках - байцы і камандзіры, баявыя дзеянні партызан і іх побыт. "Пінск з'яўляецца радзімай партызанскага руху. Менавіта каля сцен нашага горада першым сустрэў ворага і даў адпор партызанскі атрад Камарова пад камандаваннем Васіля Каржа. У галерэі мы паказваем, як атрад колькасцю 60 чалавек вырас да васьмітысячнага Пінскага партызанскага злучэння", - адзначыў Аляксандр Аржахоўскі.

Унізе пад фота размяшчаюцца вітрыны, дзе пастараліся размясціць найбольш каштоўныя і цікавыя экспанаты. Прадстаўлены дакументы, асабістыя рэчы і ўзнагароды абаронцаў, у тым ліку ганаровых грамадзян Пінска. Многія прадметы перадалі ў дар сваякі ўдзельнікаў вайны. У экспазіцыі можна ўбачыць вырабленыя ў ваенны час сувеніры, брашуры.

Пад шклом знаходзяцца франтавыя пісьмы. "Яны прасякнуты любоўю і пяшчотай да сваёй сям'і, верай у перамогу. Зразумела, што салдаты стараліся не пісаць усёй праўды, бераглі родных. Людзі верылі ў шчаслівае пасляваеннае жыццё і марылі аб ім", - расказаў старшы навуковы супрацоўнік музея.-0-

Падпісвайцеся на нас у
Twitter
Топ-навіны
Свежыя навіны Беларусі