13 мая, Мінск /Кар. БЕЛТА/. Тыдзень музеяў устаноў адукацыі стартаваў у Беларусі напярэдадні рэспубліканскага форуму музеяў устаноў адукацыі і прадоўжыцца да 18 мая, паведамляе БЕЛТА са спасылкай на Telegram-канал Міністэрства адукацыі.
На працягу тыдня пад дэвізам "Музей для ўсіх" дзверы музеяў устаноў адукацыі краіны расчынены для ўсіх жадаючых.
У гэты перыяд у музеях будуць праходзіць розныя цікавыя, займальныя і карысныя мерапрыемствы для навучэнцаў, педагогаў і гасцей.
У якасці цэнтральнага мерапрыемства запланаваны старт сумеснага праекта Рэспубліканскага цэнтра экалогіі і краязнаўства і Нацыянальнага гістарычнага музея Беларусі. Яго сутнасць у тым, што з мая па снежань у філіяле музея гісторыі тэатральнай і музычнай культуры "Гасцёўня Уладзіслава Галубка" будуць арганізаваны выстаўкі экспазіцый музеяў устаноў адукацыі.
Пазнаёміцца з дзеючымі музеямі ўстаноў адукацыі краіны можна наведаўшы платформу "Патриот.by" (patriot.rcek.by).-0-
