Сцяг Аўторак, 19 сакавіка 2024
Усе навіны
Усе навіны
Культура
10 кастрычніка 2019, 18:26

Міжнародны фестываль тэатральнага мастацтва плануюць правесці ў Мінску ў 2020 годзе

10 кастрычніка, Мінск /Кар. БЕЛТА/. Міжнародны фестываль тэатральнага мастацтва плануюць правесці ў Мінску ў 2020 годзе, паведаміў журналістам міністр культуры Беларусі Юрый Бондар, перадае карэспандэнт БЕЛТА.

"Вялікую ўвагу ўдзяляем абмену вопытам, удзелу ў аўтарытэтных міжнародных форумах. У будучым годзе плануем новы маштабны праект у Вялікім тэатры Беларусі - "Фестываль тэатральнага мастацтва", на гасціннай беларускай зямлі збяром майстроў з Расіі, Украіны, Грузіі. Будуць паказаны інавацыйныя па творчым прачытанні і змесце спектаклі", - сказаў Юрый Бондар.

Паводле яго слоў, галоўны крытэрый і паказчык работы тэатральна-відовішчных устаноў - напаўняльнасць залы. "Мы сёння можам пахваліцца той лічбай, што сярэдні працэнт напаўняльнасці залы набліжаецца да 80 працэнтаў. Гэта вельмі нядрэнны паказчык, улічваючы сусветныя тэндэнцыі. Ён якраз характарызуе цікавасць беларускага гледача да творчасці нашых тэатральных дзеячаў", - адзначыў міністр.

Сёння ў Беларускім культурным цэнтры духоўнага адраджэння Храма-помніка ў гонар Усіх Святых праходзіць урачыстае мерапрыемства, прысвечанае Дню работнікаў культуры.-0-

Падпісвайцеся на нас у
Twitter
Топ-навіны
Свежыя навіны Беларусі