ДЗЯРЖОРГАНЫДЗЯРЖОРГАНЫ
Флаг Серада, 22 верасня 2021
Мінск Ясна +5°C
Усе навіны
Усе навіны
Культура
09 чэрвеня 2021, 10:50

Міжнародны фестываль аматарскіх тэатраў пройдзе ў Краснаполлі 11-13 чэрвеня

Фота арганізатараў
Фота арганізатараў

9 чэрвеня, Магілёў /Кар. БЕЛТА/. VIII Міжнародны фестываль аматарскіх тэатраў "Тэатральныя вечарыны" пройдзе ў Краснаполлі з 11 па 13 чэрвеня, паведамілі БЕЛТА ў Магілёўскім абласным метадычным цэнтры народнай творчасці і культурна-асветнай работы.

У бягучым годзе свае пастаноўкі прывязуць аматарскія тэатры з Беларусі і Расіі.

Беларусь на фестывалі прадставяць узорная тэатральная студыя "Чароўны ліхтар" Брэсцкага гарадскога цэнтра культуры, узорны тэатр-студыя "Паралель" з Палаца дзіцячай творчасці Баранавіч, народны тэатр "На доўгім бродзе" з Мінска, студыя жывых статуй Cross Time (Мінск, Віцебск).

Удзельнікамі з Расіі стануць школа тэатральнага мастацтва пры маладзёжным тэатры-студыі "Галёрка" з Екацярынбурга, народны тэатр-студыя "За вуглом" (Гатчына), народны тэатр драмы Смаленскага абласнога Дома работнікаў асветы.

"У першы дзень пройдуць сустрэча з беларускім драматургам Васілём Ткачовым, выступленне жывых статуй і ўрачыстае адкрыццё фестывалю. Пасля гэтага па традыцыі выступіць народны тэатр Краснапольскага раённага цэнтра культуры. Гледачам прадставяць спектакль-камедыю "Жаночы рой". Гэта будзе прэм'ерны паказ", - расказалі ў абласным метадычным цэнтры.

Другі дзень фестывалю рыхтуе для гледачоў пяць пастановак у розных стылях: ад казкі да рок-н-рола.

"Не менш цікава і насычана пройдуць трэці дзень і закрыццё форуму, дзе са сваёй праграмай выступяць фестываль фарбаў Holi.mix (Віцебск), вулічны тэатр на хадулях "Вясёлыя волаты" (Магілёў), этна-група "Стары фальварак" (Гомель), рок-група "Афазія" (Магілёў) і іншыя", - адзначылі спецыялісты.

У час тэатральнага форуму будзе працаваць экспазіцыя "Тэатр і час..." і выстава Краснапольскага гісторыка-этнаграфічнага музея.

Упершыню фестываль аматарскіх тэатраў адбыўся ў 1993 годзе. Творчы форум праходзіць раз у два гады і доўжыцца тры дні. За час існавання ў ім прынялі ўдзел аматарскія тэатры розных жанраў і напрамкаў з Беларусі, Польшчы, Літвы, Латвіі, Расіі, Украіны.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі